ۇكىمەت باسشىسى بانكتەردى وتاندىق تاۋار وندىرۋشىلەردى قولداۋعا شاقىردى

نۇر-سۇلتان. قازاقپارات - پرەمەر-مينيستر اسقار مامين ەكىنشى دەڭگەيلى بانكتەردى وتاندىق تاۋار ءوندىرىسىن دامىتۋ جۇمىسىندا قولداۋعا شاقىردى، دەپ حابارلايدى قازاقپارات ءتىلشىسى.

«قازىردىڭ وزىندە جاڭا ءوندىرىس وشاقتارىن قۇرۋ بويىنشا 27 وففتەيك كەلىسىم ماقۇلداندى. ول بويىنشا ينۆەستيتسيا كولەمى شامامەن 915 ميلليارد تەڭگەنى قۇرايدى. 2 مىڭ جاڭا جۇمىس ورىنى قۇرىلادى. ءوز كەزەگىندە ۇكىمەت ۇلتتىق بانكپەن بىرلەسە وتىرىپ، مۇنداي كەلىسىمدەردى بەرىك كەپىلدىك رەتىندە تانۋ بويىنشا جۇمىس جۇرگىزىپ جاتىر. بۇل باعىتتاعى قادام اتالعان جوبالاردى قارجىلاندىرۋدا قولجەتىمدىلىكتى جەڭىلدەتە تۇسەدى. وسىعان بايلانىستى قور 3350 تاۋار پوزيتسياسىن ايقىندادى. بۇل تاۋارلار ءتىزىمى - يمپورتتى الماستىرۋ بويىنشا بيزنەستىڭ جاڭا تولقىنىن تۋعىزۋ كەرەك. وسى باعىتتاعى ينۆەستيتسيالىق جوبالاردى جۇزەگە اسىرۋعا قازىر 180 كاسىپورىن قىزىعۋشىلىق تانىتىپ وتىر»، - دەدى اسقار مامين ەلوردادا ءوتىپ جاتقان «Samruk Business Forum» شاراسىندا.

ۇكىمەت باسشىسى دەسە دە بۇل ىسكە وتە ءجىتى زەرتتەۋ كەرەكتىگىن ەسكەرتتى.

«بيزنەس جاڭا جۇمىس ورىندارىن قۇرىپ، ساپالى ونىمدەردى شىعارۋ بويىنشا ءوز مىندەتتەمەلەرىن قابىلداۋى كەرەك. وتاندىق تاۋارلار ءوندىرىسىن دامىتۋ ءۇشىن ەكىنشى دەڭگەيلى بانكتەردى ىرىكتەۋ جانە قارجىلاندىرۋ جۇمىسىنا بەلسەندى تۇردە اتسالىسۋعا شاقىرامىن»، - دەدى ول.

ەسكە سالا كەتسەك جاتقان «Samruk Business Forum» فورۋمىنا ۇكىمەت باسشىسى اسقار مامين، «سامۇرىق-قازىنا» ۇ ءا ق» ا ق باسقارما ءتوراعاسى احمەتجان ەسىموۆ، «اتامەكەن» ۇ ك پ باسقارما ءتوراعاسى ابىلاي مىرزاحمەتوۆ قاتىسۋدا.