جەلى قولدانۋشىلارى اقتاۋلىق مەيىرىمدى قىزدىڭ ۆيدەوسىن تالقىلاپ جاتىر
ۆيدەونى Lada.kz رەداكتسياسىنا وقىرماندار جىبەرگەن. روليك سيپاتتاماسىنداعى اقپاراتقا قاراعاندا وقيعا 27-اقپاندا كەشكە ەكىنشى شاعىن اۋدانىنداعى «اقتاۋ» قوناق ءۇيىنىڭ ماڭىندا بولعان. كادرلاردان سەگىز-توعىز جاستاعى قىزدىڭ الدىمەن ءاميانىنان اقشا ىزدەپ، سودان كەيىن مۇقتاج ەر ادامعا بەرگەنىن كورۋگە بولادى.
«ءسوز جوق»، - دەپ جازعان روليك اۆتورى.
نيەتى ىزگى وقۋشىنىڭ ارەكەتى الەۋمەتتىك جەلى قولدانۋشىلارىنىڭ كوڭىلىن بوساتتى. كوبى قىزدىڭ تاربيەسىنە ءمان بەرىپ، اتا-اناسىنا العىس ايتىپ جاتىر.
«اكە- شەشەسى جاقسى ادامدار»، - دەپ جازعان وقىرمانداردىڭ ءبىرى.
«اق جۇرەكتى پەرىشتە»، - دەگەن تاعى ءبىرى.
وسىعان دەيىن جەلى قولدانۋشىلارى اتىراۋداعى وتە سىپايى تاكسيستىڭ ۆيدەوسىن تالقىلاعان ەدى.
بىرنەشە ساعات ىشىندە روليكتى 2,5 مىڭنان اسا ادام كورگەن بولاتىن. «بىزدە جاقسى، ۇقىپتى جۇرگىزۋشىلەر كوپ. ولاردىڭ جالاقىسىن كوتەرسىن، ابدەن لايىق!»، - دەپ جازعان پىكىر قالدىرعانداردىڭ ءبىرى.