12:38, 28 - اقپان 2020 | GMT +6
تۇركيا قورعانىس ءمينيسترى سيريامەن شەكاراعا كەلدى
انكارا. انادولى - قازاقپارات - تۇركيانىڭ ۇلتتىق قورعانىس ءمينيسترى حۋلۋسي اكار سيريامەن شەكاراداعى حاتاي پروۆينتسياسىندا ورنالاسقان يدليبەدەگى تاكتيكالىق ءىس-قيمىلداردى باسقارۋ شتابىنا كەلدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
تۇركيا اسكەري ۆەدومستۆوسىنىڭ باسشىسىمەن بىرگە قۇرلىق اسكەرلەرىنىڭ قولباسشىسى گەنەرال ۋميت ءدۇندار مەن اسكەري اۋە كۇشتەرىنىڭ قولباسشىسى گەنەرال حاسان كيۋچيۋكاكيۋز كەلگەن.
ۇلتتىق قورعانىس ءمينيسترى مەن قولباسشىلار تۇركيا-سيريا شەكاراسىنداعى «نولدىك نۇكتەدە» يدليبتەگى داماسك رەجيمىنىڭ ماقساتىنا قارسى وپەراتسيالاردى باسقارادى.
حۋلۋسي اكار حاتايعا بارار الدىندا انكارادا تۇركيا پرەزيدەنتى رەجەپ تايىپ ەردوعاننىڭ توراعالىعىمەن وتكەن قاۋىپسىزدىك ماسەلەلەرى جونىندەگى جينالىسقا قاتىستى.
بۇعان دەيىن يدليبتە باشار اساد رەجىمىنىڭ كۇشتەرى اۋە شابۋىلىن جاساپ، سالدارىنان تۇركيا قارۋلى كۇشتەرىنىڭ 33 اسكەري قىزمەتشىسى قازا تاپتى.