اشحاباد تۇرعىنىن كوروناۆيرۋسقا قارسى ماسكا تاققانى ءۇشىن ۇستاعان

None
None
نۇر-سۇلتان. قازاقپارات- 24-اقپاندا اشحاباد تۇرعىنىن مەديتسينالىق ماسكا كيگەنى ءۇشىن پوليتسەيلەر ۇستادى، - دەپ حابارلايدى «حرونيكي تۋركمەنيستانا».

باسىلىم مالىمەتىنشە، ايەل ادام ۇيىنەن قايتىپ بارا جاتقان كەزدە پوليتسەيلەر توقتاتقان. تۇرعىلىقتى مەكەنجايى بويىنشا ماسەلە بولماعان، الايدا كومانديرگە ايەل ادامنىڭ ماسكامەن جۇرگەنى ۇناماعان.

«سەن ۇكىمەتتىڭ ۆيرۋسقا قارسى شارالارىنا سەنىم ارتپايسىڭ با؟ ءبىز جانە ءبىزدىڭ باسشىلىعىمىز ماسكا تاقپايمىز، ءبىراق سەن نە ءۇشىن تاعىپ ءجۇرسىڭ؟»، - دەگەن پوليتسەي.

ۇستالعان تۇرعىن ول تەك مەديتسينا قىزمەتكەرلەرىنىڭ نۇسقاۋلىعىن ورىنداعانىن ايتقان. ءبىراق ونى پوليتسيا بولىمشەسىنە جەتكىزىپ، 249 مانات (شامامەن 26800 تەڭگە) ايىپپۇل سالعان. ايىپپۇلدى بانك ارقىلى تولەۋدى تالاپ ەتكەن. كەپىل رەتىندە كەلىنشەكتىڭ ءتولقۇجاتىن الىپ قالعان.

اشحاباد تۇرعىنى كەلەسى كۇنى ايىپپۇل تولەگەننەن كەيىن وعان تۇبىرتەك بەرىلىپ، ءتولقۇجاتى قايتارىلعان.

سوڭعى جاڭالىقتار