قورداي دۇنگەندەرىنىڭ كوبى قازاقستاندا وقىعىسى كەلمەيدى

نۇر-سۇلتان. قازاقپارات - جامبىل وبلىسىنىڭ قورداي اۋدانىنداعى دۇنگەندەر باسىم بولىگى قازاقستان تەلەارنالارىن كورمەيدى.

بۇل تۋرالى كەشە قازاقستان حالقى اسسامبلەياسى ءتوراعاسىنىڭ ورىنباسارى جانسەيىت تۇيمەبايەۆ نۇر-سۇلتان قالاسىندا وتكەن ەتنوساياساتتىڭ وزەكتى ماسەلەلەرى تۋرالى دوڭگەلەك ۇستەل وتىرىسىندا ايتتى، حابارلايدى RGMEDIA. KZ اقپارات اگەنتتىگى .

- بۇل وڭىردە كورشى ەلدەردىڭ ىقپالى سەزىلەدى. دۇنگەن حالقىنىڭ ەداۋىر بولىگى قىرعىزستان مەن قىتايداعى وقۋ ورىندارىن قۇپ كورەدى، قىرعىز ۇيالى بايلانىس وپەراتورلارى مەن ورىس، قىرعىز جانە قىتاي تەلەارنالارىن كورسەتەتىن جەرسەرىكتىك سپۋتنيكتى پايدالانادى، - دەدى جانسەيىت تۇيمەبايەۆ.

ونىڭ ايتۋىنشا، 11-14-اقپان كۇندەرى ق ح ا عىلىمي-ساراپتامالىق كەڭەسىنىڭ ساراپشىلار توبى قورداي اۋدانىنا بارىپ قايتقان.