يراننىڭ ۆيتسە-پرەزيدەنتى كوروناۆيرۋس جۇقتىرعانى بەلگىلى بولدى
«كوروناۆيرۋستىڭ كەيبىر بەلگىلەرىن نەگىزگە الا وتىرىپ ەبتەكار حانىمعا اناليز جاسالدى. سىناما وڭ ناتيجە كورسەتتى»، - دەپ حابارلادى IRNA اگەنتتىگىنە ۆيتسە-پرەزيدەنتتىڭ كومەكشىسى.
بەيسەنبىدەگى مالىمەتكە سايكەس، يراندا كوروناۆيرۋستىڭ جاڭا ءتۇرىن جۇقتىرعاندار 245 جەتكەن. ولاردىڭ 26 ى كوز جۇمعان.
ەسكە سالا كەتەيىك، بۇعان دەيىن وسى ەلدىڭ دەنساۋلىق ساقتاۋ ءمينيسترىنىڭ ورىنباسارى يرادج حاريرچيدەن كوروناۆيرۋس انىقتالعانى بەلگىلى بولعان. دارىگەردىڭ ءوزى دە كوروناۆيرۋس جۇقتىرعانىن راستاعان ەدى.
كەيىن 57 جاستاعى پارلامەنت دەپۋتاتى ماحمۋد سادەكيدەن دە كوروناۆيرۋس تابىلعانى بەلگىلى بولدى. بۇل تۋرالى يراندىق ساياساتكەردىڭ ءوزى الەۋمەتتىك جەلىدەگى پاراقشاسىندا حابارلاعان بولاتىن.
قىتايلىق مامان جۋڭ نانشاننىڭ مالىمەتىنشە، كوروناۆيرۋسقا شالدىققان ناۋقاس ورتا ەسەپپەن ۆيرۋستى ەكى- ءۇش ادامعا جۇقتىرۋى مۇمكىن.
ونىڭ ايتۋىنشا، قاتەرلى دەرتتىڭ جىلدام تارالۋى وسىعان بايلانىستى.
ايتا كەتەيىك، ەلىمىزدىڭ دەنساۋلىق ساقتاۋ ءمينيسترى ەلجان ءبىرتانوۆ جاڭا كوروناۆيرۋستىڭ قازاقستانعا دا جەتۋى مۇمكىن ەكەنىن جوققا شىعارمادى.
ءمينيستردىڭ سوزىنشە، ۆيرۋستىڭ ەل اۋماعىندا تارالماۋى ءۇشىن بيلىك ءوز الدىنا ناقتى مىندەتتەمەلەر قويعان.