10:59, 28 - اقپان 2020 | GMT +6
نيدەرلاندتا العاشقى كوروناۆيرۋس جۇقتىرۋ وقيعاسى تىركەلدى
امستەردام. قازاقپارات - نيدەرلاند العاشقى كوروناۆيرۋس جۇقتىرۋ وقيعاسىن راستادى. ۆيرۋس جاقىندا يتاليانىڭ سولتۇستىگىندە بولعان ناۋقاستان انىقتالدى، دەپ حابارلايدى قازاقپارات Medical Express رەسۋرسىنا سىلتەمە جاساپ.
ناۋقاسپەن تىعىز بايلانىستا بولعانداردىڭ بارلىعى تەكسەرىستەن ءوتتى. ول كارانتينگە جاتقىزىلدى، دەپ حابارلادى قوعامدىق دەنساۋلىق ساقتاۋ جانە قورشاعان ورتا ۇلتتىق ينستيتۋتى.
قوعامدىق دەنساۋلىق ساقتاۋ ينستيتۋتى ينفەكسيانىڭ تارالۋىنان ساقتانۋعا شاقىرادى.
ايتا كەتەيىك، يتاليا كوروناۆيرۋس جۇقتىرعاندار سانى بويىنشا الەمدە قىتاي مەن وڭتۇستىك كورەيادان كەيىنگى ءۇشىنشى ورىندا تۇر.