جۇمىرتقا ينسۋلت قاۋپىن جوعارىلاتادى - زەرتتەۋ
اۆتورلاردىڭ ايتۋىنشا، ينسۋلت قاۋپىن بەلگىلى ءبىر ديەتالار ارقىلى تومەندەتۋگە بولادى.
«عالىمدار ينسۋلتتىڭ نەگىزگى ەكى ءتۇرىن زەرتتەپ، وعان قانداي ازىق-تۇلىكتەردىڭ بايلانىسى بار ەكەنىن انىقتادى. ەۋروپانىڭ 9 مەملەكەتىندەگى 418 مىڭ ادامدى باقىلاعان زەرتتەۋشىلەر جەمىس-جيدەك پەن كوكونىستەر ينسۋلت قاۋپىن تومەندەتەتىنىنىن ايتتى»، - دەپ جازادى اۆتور.
زەرتتەۋ European Heart Journal جۋرنالىندا جاريالاندى. وندا جۇمىرتقانى كوپ تۇتىنۋ ينسۋلت قاۋپىن ارتتىراتىنى جازىلعان.
«زەرتتەۋ دياپوزونى كەڭ بولعانىمەن، سىنشىلار بۇعان كۇمان كەلتىرىپ وتىر. ال عالىمدار بەلگىلى ءبىر ديەتالار ارقىلى ينسۋلتتىڭ الدىن الۋعا بولاتىنىن ايتتى. ولار زەرتتەۋگە قاتىسقان ادامداردى 12 جىل بويى باقىلاعان»، - دەپ جازادى اۆتور.
زەرتتەۋ اۆتورى، شەففيلد ۋنيۆەرسيتەتىنىڭ كارديولوگيا پروفەسسورى پول ەۆانستىڭ ايتۋىنشا، قاۋىپتىڭ ارتۋى نەمەسە كەمۋىنە تەك تاماقتانۋ ەمەس، الەۋمەتتىك ەكونوميكالىق فاكتورلار دا اسەر ەتۋى مۇمكىن.