+7 (701) 759 90 19
-1 °С : نۇر-سۇلتان
10 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

اباي مەرەيتويىنا وراي پەتروپاۆلدا جازبا اقىندار جارىسى ءوتتى

28 اقپان 09:45
:ءبولىسۋ
اباي مەرەيتويىنا وراي پەتروپاۆلدا جازبا اقىندار جارىسى ءوتتى

پەتروپاۆل. قازاقپارات - سولتۇستىك قازاقستان وبلىسىندا ۇلى ابايدىڭ 175 جىلدىق مەرەيتويىنا وراي «ولەڭ - ءسوزدىڭ پاتشاسى» اتتى ايماقارالىق جاس اقىندار ءمۇشايراسى ءوتتى، دەپ حابارلايدى قازاقپارات ءتىلشىسى.

جاس اقىندار سايىسىن ۇيىمداستىرۋشى - پەتروپاۆلداعى ع. مۇسىرەپوۆ اتىنداعى بالالار- جاس وسپىرىمدەر كىتاپحاناسى.

«ولەڭ - ءسوزدىڭ پاتشاسى» اتتى ايماقارالىق جاس اقىندار سايىسىنا سولتۇستىك وڭىرلەردىڭ: نۇر-سۇلتان قالاسىنىڭ، اقمولا، قاراعاندى، قوستاناي، پاۆلودار وبلىستارىنىڭ جانە قىزىلجار ءوڭىرىنىڭ ءبىرىنشى كەزەڭنەن سۇرىنبەي وتكەن جاستارى قاتىستى.

اقىندار تالاپ بويىنشا وزدەرىنىڭ بۇعان دەيىن ەش جەردە جاريالانباعان ەكى تۋىندىسىن: ءبىرىنشىسى ابايعا ارناۋ، ەكىنشىسى ەركىن تاقىرىپتا جازىلعان ولەڭدەرىن تانىستىردى. بايقاۋعا جازۋشىلار وداعىنىڭ س ق و ف ءتوراعاسى، قوعام قايراتكەرى، جۋرناليست جاراسباي سۇلەيمەنوۆ پەن حالىقارالىق «الاش» ادەبي سىيلىعىنىڭ يەگەرى، قازاقستان جازۋشىلار وداعىنىڭ نۇر-سۇلتان قالاسىنداعى فيليالىنىڭ ديرەكتورى، اقىن - داۋلەتكەرەي كاپ ۇلى قازىلىق ەتتى.

ناتيجەسىندە، باس جۇلدەنى پاۆلودار وبلىسىنىڭ تۋماسى جۇسىپبەك ايماۋىتوۆ اتىنداعى قازاق سازدى-دراما تەاترى باسشىسىنىڭ ورىنباسارى جارقىنبەك امانتاي ۇلى يەلەنسە، ءبىرىنشى ورىندى م. قوزىبايەۆ اتىنداعى س ق م ۋ 2- كۋرس ستۋدەنتى ابىلايحان ءاشىمحان، ەكىنشى ورىندى قاراعاندى وبلىسىنان سالتانات قايىربەك، ءۇشىنشى ورىندى كوكشەتاۋ قالاسىنان قۋانىش وسپانوۆ يەلەندى.

«الدىن الا دايىندالدىق، تولعانىس بولدى. ويتكەنى باسقاعا ارناۋدى جازسا جازا سالاتىن شىعارمىز. ءبىراق ھاكىم ابايعا جازۋ وتە اۋىر. ابايدى مەكتەپ قابىرعاسىندا «عىلىم تاپپاي ماقتانبادان»، ودان ەسەيە كەلە «كوزىمنىڭ قاراسىنان» اسىپ تاني العان جوقپىز، شىنىن ايتۋ كەرەك. ابايعا قازىر باسقاشا كوزقاراس كەرەك. جالپى قازاق ەلىنە، ابايدى جاڭا پريزمادان قاراۋ، جاڭاشىلدىقپەن قايتادان باسقاشا جۇرتشىلىققا تانىتۋ قاجەت دەپ ويدامىن. سوندىقتان بۇل ولەڭ ءبىراز تولعانىسپەن تۋدى»، - دەيدى باس جۇلدە يەگەرى جارقىنبەك امانتاي ۇلى.

باسقا قاتىسۋشىلار: «ماعجان جۇمابايەۆ»، «ءسابيت مۇقانوۆ»، «عابيت مۇسىرەپوۆ»، «سەگىز سەرى»، «مۇحتار اۋەزوۆ»، «كاكىمبەك سالىقوۆ»، «سافۋان شايمەردەنوۆ»، «ەرىك اسقاروۆ» اتىنداعى ارنايى جۇلدەلەرمەن ماراپاتتالدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات