+7 (701) 759 90 19
11 °С : نۇر-سۇلتان
14 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

ەلوردادا اۆتوبۋستارعا تەگىن اۋىسىپ وتىرۋ جەڭىلدىگىنە وزگەرىس ەنگىزىلدى

28 اقپان 10:44
:ءبولىسۋ
ەلوردادا اۆتوبۋستارعا تەگىن اۋىسىپ وتىرۋ جەڭىلدىگىنە وزگەرىس ەنگىزىلدى

نۇر-سۇلتان. قازاقپارات - «City Transportation Systems» («Астана LRT») كومپانياسى نۇر-سۇلتاندا ءبىر اۆتوبۋستان ەكىنشىسىنە ءبىر ساعات ىشىندە تەگىن اۋىسىپ وتىرۋ تارتىبىنە وزگەرىس ەنگىزدى، دەپ حابارلايدى قازاقپارات ءتىلشىسى.

ەسكە سالا كەتسەك بۇعان دەيىن قوعامدىق كولىكتەر جۇيەسى بويىنشا جاڭا تاريفتەر كۇشىنە ەنەتىنىن حابارلاعان ەدىك. سونىمەن قاتار جاڭا جۇيە بويىنشا 60 مينۋت ىشىندە ءبىر رەت اۋىسىپ وتىرۋ مۇمكىندىگى ەكى تاريفتىڭ (15 ساپار - 2000 تەڭگە جانە 30 ساپار - 4000 تەڭگە) ءبىرىن قولدانعاندا عانا كۇشىندە قالادى.

«جاڭا تاريفتىك جوسپارلاردى قالىپتاستىرۋ كەزىندە وتباسىلاردىڭ قاراجاتىنا كوڭىل ءبولىندى. وقۋشىلار مەن زەينەتكەرلەر ءۇشىن جول ءجۇرۋدىڭ تەگىن بولۋى شىعىنداردى ايتارلىقتاي ۇنەمدەۋگە كومەكتەسەتىنىن تۇسىنەمىز. سونداي-اق، ەرەسەكتەرگە ارنالعان ايلىق جول ءجۇرۋدى ساتىپ الۋ مۇمكىندىگى دە نازارعا الىندى. ول سول 7500 تەڭگە دەڭگەيىندە قالدى»، - دەپ حابارلايدى كومپانيادان.

ەسكە سالا كەتسەك بۇگىنگى كورمە-كونفەرەنتسيا بارىسىندا «City Transportation Systems» باسشىسى بەكمىرزا يگەنبەردينوۆ ەلوردادا كامەلەتكە تولماعان بالالار قالاىشىلىك قوعامدىق كولىكپەن تەگىن جۇرەتىنىن حابارلاعان ەدى. سونىمەن قاتار حالىقتىڭ التى ساناتىنا كىرەتىن ازاماتتارعا قالا ماڭى باعدارى بويىنشا قوعامدىق كولىك تەگىن بولادى. ول التى ساناتتىڭ ىشىنە زەينەتكەرلەر، مۇگەدەكتەر، سوعىس ارداگەرلەرى، مۇگەدەكتەردى الىپ جۇرگەن ادامدار، كوپبالالى انالار جانە كوپبالالى وتباسىلاردىڭ مۇشەلەرى كىرەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات