قازاقستاننىڭ قاي سالالارىندا جەمقورلىق قىلمىسى كوپ كەزدەسەدى
«بۇگىنگى تاڭدا قازاقستاندا مەملەكەتتىك قىزمەتتەردىڭ %88 ى ەلەكتروندى تۇردە كورسەتىلەدى. ءبىر قاراعاندا، بۇل جاقسى كورسەتكىش، ءبىراق تەك قاعاز جۇزىندە كورسەتىلەتىن %12 دا ەڭ جوعارى جاسىرىن سىبايلاس جەمقورلىق تاۋەكەلدەرى بار. اتاپ ايتقاندا، جەر قاتىناستارى، ساۋلەت، قۇرىلىس، اۋىل شارۋاشىلىعى تاۋارلارىن وندىرۋشىلەردى سۋبسيديالاۋ سالالارىنداعى مەملەكەتتىك قىزمەتتەر ءالى كۇنگە دەيىن سىبايلاس جەمقورلىقتىڭ سارقىلماس كوزى بولىپ وتىر»، - دەيدى اليك شپەكبايەۆ.
ول اكىمدىكتەر ۆەدومستۆولىق باعىنىستى تابيعي مونوپوليالار سۋبەكتىلەرى كورسەتەتىن قىزمەتتەردى اۆتوماتتاندىرۋ ماسەلەسىن شەشۋى قاجەت ەكەندىگىن ايتتى.
«بۇل كۇندەلىكتى ومىردە ءار ادام، سونىڭ ىشىندە كاسىپكەرلەر دە تاپ بولاتىن جارىق، سۋ، جىلۋ، گاز ماسەلەلەرى. تەك بيزنەس-ۇردىستەردى تولىق تسيفرلاندىرۋ عانا بارلىق سىبايلاس جەمقورلىق جولدارىن جابۋعا مۇمكىندىك بەرەدى»، - دەيدى ول.