الەمدەگى ەڭ تانىمال سمارتفون قايسى؟
كومپانيانىڭ ەسەپتەۋىنشە، بىلتىر Apple كومپانياسى iPhone XR دىڭ 46 ميلليون داناسىن ساتقان. ودان كەيىنگى ورىندا iPhone 11 تۇر. ودان 37 ميلليون دانا ساتىلعان. ال ءۇشىنشى ورىندا - Samsung Galaxy A10. ساتىلعان داناسىنىڭ سانى 30 ميلليوننان اسادى. العاشقى وندىققا Apple مەن Samsung كومپانياسىنىڭ ونىمدەرىمەن بىرگە قىتايدىڭ Xiaomi كومپانياسىنىڭ ونىمدەرى دە كىرگەن ەكەن.
Omdia زەرتتەۋ كومپانياسىنىڭ رەسمي وكىلى دجۋسي حونگتىڭ ايتۋىنشا، ازىرشە Apple گە جەتەر، ونىڭ دەۆايسىنان اسىپ تۇسەر قۇرىلعى جوق. Apple دىڭ العاشقى قوس ورىندى بەرمەي كەلە جاتقانىنا بيىل - بەسىنشى جىل. ماسەلەن، 2018 -جىلى جىلدىڭ ۇزدىك سمارتفونى iPhone 8 (31,5 ميلليون دانا) ، ەكىنشى جانە ءۇشىنشى ورىنداردى iPhone X پەن iPhone 8 Plus ءبولىسىپ العان. ال بيىل باس جۇلدەنى العان iPhone XR دىڭ ول كەزدە 23 ميلليون داناسى ساتىلعان.
Massaget.kz