+7 (701) 759 90 19
-1 °С : نۇر-سۇلتان
5 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قاشاعان كەن ورنىندا ىلەسپە گازدى وڭدەيتىن ءىرى زاۋىت سالىنادى

27 اقپان 17:43
:ءبولىسۋ
قاشاعان كەن ورنىندا ىلەسپە گازدى وڭدەيتىن ءىرى زاۋىت سالىنادى

اتىراۋ. قازاقپارات - اتىراۋ وبلىسىنا جۇمىس ساپارى اياسىندا ق ر پرەمەر-ءمينيسترى اسقار مامين قاشاعان كەن ورنىندا ىلەسپە گاز وڭدەۋ زاۋىتىن سالۋ ماسەلەسى جونىندە كەڭەس وتكىزدى، دەپ حابارلايدى قازاقپارات primeminister.kz سايتىنا سىلتەمە جاساپ.

قارجىلاندىرۋ ماسەلەسى، مەملەكەتتىك قولداۋ شارالارى، گاز تەڭگەرىمى جانە اتالعان جوبانى ىسكە اسىرۋدان كۇتىلەتىن ناتيجە تۋرالى ق ر ۇلتتىق ەكونوميكا ءمينيسترى رۋسلان دالەنوۆ، ەنەرگەتيكا ءمينيسترى نۇرلان نوعايەۆ جانە اتىراۋ وبلىسىنىڭ اكىمى ماحامبەت دوسمۇحامبەتوۆ، مەملەكەتتىك ورگاندار مەن ۇلتتىق كومپانيالاردىڭ باسشىلارى باياندادى.


قاشاعان كەن ورنىندا ىلەسپە گاز وڭدەۋ زاۋىتىن سالۋ جوباسىن 2021 -جىلدىڭ سوڭىنا دەيىن اتىراۋ وبلىسىنىڭ ماقات اۋدانىندا، «بولاشاق» مۇناي جانە گازدى كەشەندى دايىنداۋ قوندىرعىسىنان سولتۇستىك- شىعىسقا قاراي 12 شاقىرىم جەردە جانە ەسكەنە تەمىرجول ستانتسياسىنان وڭتۇستىككە قاراي 5 شاقىرىم جەردە ىسكە اسىرۋ كوزدەلگەن. جوبالىق قۋاتتىلىعى - جىلىنا 1 ميلليارد تەكشە مەتر. ينۆەستور - «GPC Investment» ج ش س. ينۆەستيتسيا كولەمى - 860 ميلليون دوللار.

«قاشاعان كەن ورنىندا ىلەسپە گازدى وڭدەۋ زاۋىتىن سالۋ ەلىمىز ءۇشىن ماڭىزدى جوبا. ول كەن ورنىندا مۇناي ءوندىرۋدى 12 ميلليون تونناعا ارتتىرۋعا، سونداي- اق قۇرىلىس كەزەڭىندە 2800 ۋاقىتشا جانە پايدالانۋعا بەرىلگەن سوڭ 600 تۇراقتى جۇمىس ورنىن قۇرۋعا مۇمكىندىك بەرەدى»، - دەدى ا. مامين.

ۇكىمەت باسشىسى زاۋىت ءونىمى ىشكى جانە سىرتقى نارىقتارعا شىعارىلاتىنىن اتاپ ءوتتى.

«وتكەن جىلدىڭ قازان ايىنان باستاپ اتالعان جوبانى جان- جاقتى زەردەلەدىك. بۇگىنگى وتىرىستى زاۋىتتى سالۋ تۋرالى شەشىم قابىلدايتىن قورىتىندى جيىن رەتىندە قاراستىرۋ قاجەت»، - دەدى ا. مامين.

اتىراۋ وبلىسىنا جۇمىس ساپارى اياسىندا پرەمەر- مينيستر، سونىمەن قاتار مۇناي- گاز سالاسى ءۇشىن جابدىقتار مەن قۇراۋىشتاردى وندىرەتىن كاسىپورىندار - «كاسپي پليۋس»، «International Pipeline Structure Solutions Caspian», «Caspian Contractors Trust Atyrau « ج ش س-ىن ارالادى.




باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات