ەلجان ءبىرتانوۆ: وڭتۇستىك كورەياداعى وتانداستارعا ءتيىستى شارا قولدانامىز

نۇر-سۇلتان. قازاقپارات – كورەيا ەلىندەگى قازاقستاندىقتار ەلگە قايتار بولسا، ولار تيىسىنشە ەكى اپتالىق كارانتينگە ورنالاستىرىلادى.

بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ جۋرناليستەرمەن وتكەن كەزدەسۋدە مالىمدەدى، دەپ حابارلايدى «حابار 24».

ەلجان ءبىرتانوۆ، ق ر دەنساۋلىق ساقتاۋ ءمينيسترى:

- قازىر كورەيا ەلىنەن قازاقستانعا قايتقىسى كەلەتىن قانشا وتانداسىمىزدىڭ بارىن انىقتاپ جاتىرمىز. 30 مىڭنان اسا قازاقستاندىقتىڭ 25 مىڭى ەلگە ورالعىسى كەلەدى دەلىك. قازىر بىزدەگى جۇقپالى اۋرۋلار اۋرۋحاناسىندا 7 مىڭعا جۋىق ورىن بار. ولاردىڭ بارلىعىن ءبىر مەزەتتە جەتكىزۋ مۇمكىن ەمەس ەكەنى تۇسىنىكتى. الەمنىڭ كوپتەگەن ەلىندە ۆيرۋس جۇقتىردى دەگەن كۇدىككە ىلىنگەندەردىڭ كەيبىرى ۇيلەرىندە جاتىپ ەم قابىلدايدى. ولاردى دارىگەرلەر ۇزدىكسىز باقىلايدى. سول تاجىريبەنى قولدانۋىمىز ابدەن مۇمكىن.