+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مەملەكەت باسشىسى سوعىس ارداگەرى جازعان حاتقا جاۋاپ بەردى

27 اقپان 17:01
:ءبولىسۋ
مەملەكەت باسشىسى سوعىس ارداگەرى جازعان حاتقا جاۋاپ بەردى

الماتى. قازاقپارات – ق ر پرەزيدەنتى قاسىم-جومارت توقايەۆ الماتى تۇرعىنى، ەكىنشى دۇنيەجۇزىلىك سوعىس ارداگەرى قايىرلى جوڭقابايەۆتىڭ جازعان حاتىنا جاۋاپ بەردى، دەپ حابارلايدى قازاقپارات ءتىلشىسى.

مايدانگەر حاتتا ىشكى ىستەر ءمينيسترى ەرلان تۇرعىمبايەۆتىڭ شەشىمىمەن قازاقستان رەسپۋبليكاسىنىڭ ۇلتتىق ۇلانى ۇيىمداستىرىپ جاتقان «ءبىز - جەڭىستىڭ مۇراگەرىمىز!» اتتى تاعزىم ەستافەتاسى ءۇشىن العىس ايتقان بولاتىن. كالينينگراد مايدانىندا، ماسكەۋ تۇبىندەگى جانە رجيەۆ شايقاسىنا قاتىسىپ، الاپات سوعىستىڭ بار تاۋقىمەتىن كورگەن 99 جاستاعى ارداگەرگە پرەزيدەنتتىڭ سالەمدەمەسىن ۇلتتىق ۇلان «وڭتۇستىك» وڭىرلىك قولباسشىسىنىڭ ورىنباسارى پولكوۆنيك نيازتاي الكەشيەۆ تابىس ەتتى.


«قۇرمەتتى قايىرلى ۋاتاي ۇلى! ىزگى تىلەكپەن جانە ىستىق ىقىلاسپەن جازعان حاتىڭىزدى الدىم. جىلى لەبىزىڭىز ءۇشىن شىن كوڭىلمەن العىسىمدى بىلدىرەمىن. بيىل ەلىمىزدە ۇلى جەڭىستىڭ 75 جىلدىعى كەڭ كولەمدە اتالىپ وتەدى. بۇل - ەڭ الدىمەن، ءوزىڭىز سياقتى ارداگەرلەرىمىزگە كورسەتكەن قۇرمەتىمىز. سىزدەردىڭ زۇلمات جىلدارداعى ەرلىكتەرىڭىز ەشقاشان ۇمىتىلمايدى. سوعىستان كەيىنگى ادال ەڭبەكتەرىڭىز دە وسكەلەڭ ۇرپاق ءۇشىن ءاردايىم ۇلگى-ونەگە. سىزدەر قازاقستاننىڭ تاۋەلسىز مەملەكەت رەتىندە قالىپتاسۋىنا زور ۇلەس قوستىڭىزدار. سوندىقتان وزدەرىڭىزدى ارداقتاپ، ەرلىكتەرىڭىزدى دارىپتەۋ - ازاماتتىق ءارى پەرزەنتتىك بورىشىمىز. سىزگە زور دەنساۋلىق، اۋلەتىڭىزگە اماندىق تىلەيمىن!

جۇزگە جەتىپ، عاسىر تويىن تويلاڭىز! ۇرپاعىڭىزبەن مىڭ جاساڭىز!»، - دەپ جازىلعان پرەزيدەنت جولداعان حاتتا.


مەملەكەت باسشىسىنىڭ وزىنەن حات العان قاريانىڭ كوڭىلى شالقىپ، ريزا بولىپ قالدى.

«قۇرمەتتەرىڭە راقمەت، اينالايىندار! ەلباسىمىز امان بولسىن، ماعان ۋاقىتىن ءبولىپ لەبىزىن بىلدىرگەن پرەزيدەنتىمىزگە وتە ريزامىن، امان بولسىن! ەلىمىز ءۇشىن اتقارىپ جاتقان قىزمەتى باياندى بولىپ، ۇلكەن جەتىستىكتەرگە جەتەيىك. ەلىمىزدە تىنىشتىق بولسىن. رەسپۋبليكامىز دامي بەرسىن، ەكونوميكامىز ءوسسىن، دامىعان مەملەكەتتەرمەن تەرەزەمىز تەڭ بولسىن. كەلەشەك جاستاردىڭ قولىندا. ولار سونى ءبىلۋ كەرەك، ەڭ الدىمەن ءبىلىم الۋ كەرەك»، - دەدى ارداگەر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات