شىمكەنتتە بەيبىت شەرۋلەر وتكىزۋ تۋرالى زاڭ جوباسى تالقىلاندى

None
None
شىمكەنت. قازاقپارات - شىمكەنتتە بەيبىت شەرۋلەر تۋرالى زاڭ جوباسى تالقىلاندى.

جيىنعا قاتىسقان قوعامدىق ۇيىمداردىڭ مۇشەلەرى مەن پارتيا وكىلدەرى، بەلسەندى ازاماتتار مەن ب ا ق وكىلدەرى ءوز وي-پىكىرلەرىن ورتاعا سالدى، دەپ حابارلايدى قازاقپارات ءتىلشىسى.

باسقوسۋدا اقپارات جانە قوعامدىق دامۋ مينيسترلىگى ازاماتتىڭ قوعام ىستەرى كوميتەتىنىڭ ءتوراعاسى ءاليا عالىموۆا قاتىسىپ، زاڭ جوباسى تۋرالى ايتتى.

ونىڭ سوزىنشە، بەيبىت جينالىستاردىڭ بارلىق ءتۇرى، سونىڭ ىشىندە ميتينگىلەر، شەرۋلەر، دەمونستراتسيالار، پيكەتتەر وتكىزۋ تۋرالى وسى زاڭ جوباسىندا انىق جانە ۇعىنىقتى جازىلعان.


«بەيبىت جينىندار وتكىزۋ وتىنىمدەرىنىڭ رەگلامەنتتەۋ جانە حابارلاندىرۋ ءتارتىبى ەنگىزىلەدى. ەگەر قانداي دا ءبىر ۇيىمدى نەمەسە قوعامدى تولعاندىراتىن ماسەلە بويىنشا بەيبىت جينالىستى ۇيىمداستىرۋشى جەرگىلىكتى اتقارۋشى ورگانعا ءوتىنىم بەرگەن جاعدايدا، وندا وتكىزۋ ورنىن، ماقساتىن جانە كۇنىن ايقىندايدى، قاتىسۋشىلاردىڭ سانىن ناقتى بەلگىلەيدى. سونداي-اق، جينالىس وتكىزۋ ءۇشىن قاجەتتى شارتتاردى انىقتايدى، - دەدى ءاليا عالىموۆا.

جيىندا 21 باپتان تۇراتىن قۇجاتتا بەيبىت جيىنعا قاتىسۋشى بارلىق تاراپتىڭ قۇقىقتارى ناقتىلانعانى ايتىلدى.

قازىر قالادا ميتينگ وتكىزەتىن 2 ورىن بەلگىلەنگەن. زاڭ جوباسى بويىنشا، بەيبىت شەرۋلەر 250 ادامعا رۇقسات ەتىلگەن. بۇل قاۋىپسىزدىك شارالارىنا بايلانىستى قابىلدانعان شەشىم. الداعى ناۋرىز ايىندا پارلامەنت دەپۋتاتتارىنىڭ قاراۋىنا جىبەرىلەتىن زاڭ جوباسى تۋرالى جەرگىلىكتى قوعامدىق ۇيىم وكىلدەرى دە ءوز ۇسىنىس-پىكىرلەرىن ورتاعا سالدى.


سوڭعى جاڭالىقتار