دجەكي چاننىڭ كوروناۆيرۋس جۇقتىرعانى راس پا؟

None
None
نۇر-سۇلتان. قازاقپارات - الەمدىك ب ا ق ايگىلى اكتەر اۋرۋعا شالدىعۋى مۇمكىن دەگەن اقپارات تاراتىپ جاتىر. بۇل تۋرالى vesti.ua دا جازدى.

ءمالىم بولعانداي، 65 جاستاعى ونەر يەسى ساۋىق كەشىنە قاتىسقان. كوروناۆيرۋسپەن اۋىرعان 48 جاستاعى پوليتسەيدىڭ دە ءدال سول جيىندا بولعانى انىقتالدى. قازىر دجەكي چانعا ناقتى دياگنوز قويىلعان جوق. اكتەر دارىگەرلەر باقىلاۋىندا، ستاتسيونارلى بولىمدە ەمدەلىپ جاتىر.

ايتا كەتەيىك، اقپاننىڭ باسىندا دجەكي چان قاۋىپتى ۆيرۋستان قۇتقارار ءدارى ويلاپ تاپقان ادامعا 1 ميلليون يۋان (54 ميلليون تەڭگە شاماسىندا) سىيلايتىنىن مالىمدەدى.

«مەن گۇلدەنۋدىڭ ورنىنا قاڭىراپ، بوس قالعان كوشەلەردى كورگىم كەلمەيدى. مەن قايعى باسىپ، قامىققان جانداردى ەمەس، قۋانىشتان بال- بۇل جانعان جۇزدەردى كورگىم كەلەدى»، - دەگەن ەدى ول.

بۇعان دەيىن يراندا لاۋازىمدى قىزمەتتەگى تۇلعانىڭ ىندەتتىڭ تىرناعىنا ىلىنگەنىن جازعان ەدىك.

www.24.kz


سوڭعى جاڭالىقتار