وڭتۇستىك كورەيادا قانشا قازاقستاندىق بار

None
None
نۇر-سۇلتان. قازاقپارات - وڭتۇستىك كورەيادا 35 مىڭ قازاقستان ازاماتى بار.

بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ بريفينگتە ايتتى، دەپ حابارلايدى قازاقپارات.

«بۇگىنگى تاڭدا وڭتۇستىك كورەيادا 35 مىڭ قازاقستان ازاماتى بار. ونىڭ ىشىندە زاڭسىز تۇرىپ جاتقانى - 12 مىڭ ادام. ءبىزدىڭ ەلشىلىكتەگى كونسۋلدىق ەسەپتە بار بولعانى 848 ادام بار. ازاماتتارىمىزدىڭ كوبىنىڭ وسىنداي ارەكەتكە بارۋى وزدەرىنە قيىن. توتەنشە جاعداي بولعان جاعدايدا ول ەلدىڭ قاي جەرىندە تۇرىپ جاتقانىن بىلمەسەك، قالاي ىزدەپ تابامىز؟»، - دەيدى ايبەك سمادياروۆ.

سونىمەن قاتار، ق ر س ءى م قازاقستان ازاماتتارىنا كونسۋلدىققا حابارلاسۋلارى كەرەك ەكەندەرىن ايتتى.

«زاڭدى جانە زاڭسىز جۇرگەنىنە قاراماي، ءبىزدىڭ ەلشىلىكتىڭ كونسۋلدىق بولىمىنە حابارلاسۋلارىڭىزدى سۇرايمىز. بۇل كوپ ۋاقىت المايدى جانە تەگىن. ءبىزدىڭ كونسۋل كۇن سايىن، ءۇزىلىسسىز ادام قابىلدايدى»، - دەيدى ول.

بۇعان دەيىن ايتىلىپ كەتكەندەي، قازىرگى ۋاقىتتا وڭتۇستىك كورەيادا ينفەكسيا جۇقتىرعاندار سانى 1595 ادامعا جەتتى. سونداي-اق، ءبىرىنشى ناۋرىزدان باستاپ كوروناۆيرۋسقا بايلانىستى قازاقستان وڭتۇستىك كورەياعا باراتىن اۋە رەيسىنىڭ سانىن قىسقارتادى.

سوڭعى جاڭالىقتار