قوستانايدا شىعارىلعان اۆتوكولىكتەر وزبەكستانعا ەكسپورتتالادى
قوس ەلدىڭ ۇكىمەت باسشىلارى قاتىسقان جيىندا اگروونەركاسىپتىك، ونەركاسىپتىك كووپەراتسيا، ونەركاسىپ جانە تۋريزم سالاسىنداعى وڭىرلىك بيزنەستىڭ ىنتىماقتاستىعى تۋرالى ماسەلەلەر تالقىلاندى. ايتۋلى شارادا قوستاناي وبلىسىنىڭ اكىمى ارحيمەد مۇحامبەتوۆ ءوڭىردىڭ اۆتوكولىك شىعارۋ سالاسىن تانىستىردى.
«وزبەكستان رەسپۋبليكاسىنىڭ ايماقتارىمەن وتكەن جىلعى ساۋدا اينالىمى %34,9 عا ءوسىپ، 150 ميلليون ا ق ش دوللارىنا جەتتى. فورۋمدا 2020-2021 -جىلدارعا ارنالعان تاشكەنت وبلىسىنىڭ حوكيمياتى مەن قوستاناي وبلىسىنىڭ اكىمدىگى اراسىنداعى ءوزارا ىنتىماقتاستىق تۋرالى مەموراندۋمعا قول قويىلدى. ءوزارا ارىپتەستىك اياسىندا قازاقستان رەسپۋبليكاسىنىڭ اۋماعىندا وندىرىلگەن اۆتوموبيلدەردى ساتۋ جانە ەكسپورتتاۋ ءۇشىن «Avtosanoat invest» ج ش ق، «سارى ارقااۆتوپروم» ج ش س جانە «گرۋپپا كومپانيا الليۋر» ا ق اراسىنداعى بىرلەسكەن كاسىپورىن تۋرالى كەلىسىمدى ىسكە اسىرۋ جونىندەگى ءىس- شارالار جوسپارى جاسالدى»، - دەلىنگەن باسپا ءسوز قىزمەتىنىڭ اقپاراتىندا.
ايتا كەتەيىك، بىلتىر قوستاناي وبلىسىندا 26 مىڭعا جۋىق كولىك قۇراستىرىلعان.
اۆتور: قاسقىرباي قويشىمانوۆ