قىتايدا كوروناۆيرۋس ىندەتىنىڭ اياقتالۋ مەرزىمىن اتادى

بەيجىڭ. قازاقپارات - قىتايدا كوروناۆيرۋس ىندەتىنە بايلانىستى جاعداي بيىلعى جىلدىڭ ءساۋىر ايىنىڭ سوڭىنا قاراي باقىلاۋعا الىنادى.

بەيسەنبى كۇنى وتكەن برينفينگتە ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ ساراپشىلار توبىنىڭ جەتەكشىسى جۋڭ نانشان وسىنداي مالىمدەمە جاسادى، دەپ حابارلايدى قازاقپارات جەرگىلىكتى ب ا ق- قا سىلتەمە جاساپ.

«ءبىز بۇرىن ەپيدەميانىڭ شارىقتاۋ شەگى اقپاننىڭ ورتاسىندا نەمەسە سوڭىندا بولادى دەپ بولجاعان ەدىك. 15 - اقپاننان كەيىن كوروناۆيرۋس انىقتالعان جاڭا جاعدايلاردىڭ سانى ازايا باستادى. ىندەتتىڭ ءساۋىر ايىنىڭ سوڭىنا دەيىن باقىلاۋعا الىناتىنىنا سەنىمدىمىز» ، - دەدى جۋڭ نانشان.

ول «ەپيدەمياعا قاتىستى بولجامدار جاساعاندا، ءبىز ەڭ الدىمەن قىتايدى نازارعا الىپ، باسقا ەلدەردى قاراستىرمايتىنىمىزدى» ءمالىم ەتتى.

«ىندەت العاش رەت ق ح ر- دا تۋىندادى، ءبىراق قىتايدا باستالدى دەۋ مىندەتتى ەمەس» ، - دەپ اتاپ ءوتتى قىتاي اكادەميگى.

چوڭ نانشان: «كوروناۆيرۋستىڭ شىعۋ كوزى ءالى دە تۇسىنىكسىز» ، - دەپ مالىمدەدى.

جالپى العاندا، وتكەن تاۋلىك ىشىندە (26 - اقپاندا ساعات 24:00 گە دەيىنگى جاعداي بويىنشا) قىتايدا كوروناۆيرۋس جۇقتىرۋدىڭ 433 جاڭا جاعدايى انىقتالدى، 29 ى كوز جۇمدى، 2750 ادام ەمدەلىپ، اۋرۋحانالاردان شىعارىلدى.