شىمكەنتتە نوسەر جاڭبىر: اۋلالار سۋعا تولىپ، قۇلاعان اعاشتار كولىكتەردى باسىپ قالدى

شىمكەنت. قازاقپارات - شىمكەنتتە نوسەر جاۋىننان اۋلالار سۋعا تولىپ، جۇرتتى ابىگەرگە سالدى. قاتتى جەل مەن قاردىڭ سالماعىن كوتەرمەگەن اعاشتار قۇلاپ، كولىكتەردى باسىپ قالعان، دەپ حابارلايدى قازاقپارات ءتىلشىسى.

قالالىق ت ج د باسپا ءسوز قىزمەتىنىڭ مالىمەتىنشە، 26 -اقپاننان 27 سىنە قاراعان ءتۇنى قالا اۋماعىندا جاۋعان جاۋىن- شاشىننىڭ سالدارىنان بىرنەشە ءۇيدىڭ اۋلاسىنا جاڭبىر سۋى جينالعان. ءورت ءسوندىرۋ بولىمدەرى مەن جەدەل- قۇتقارۋ جاساعىنىڭ قۇتقارۋ بولىمشەلەرى اباي، ءال- فارابي، قاراتاۋ اۋداندارىندا سۋدى شىعارۋ جۇمىستارىن جۇرگىزگەن. اۆاريالىق- قۇتقارۋ جۇمىستارى قايتپاس-1, نۇرتاس، اقجايىق، حيمفارم، قازىعۇرت، سامال - 3 شاعىن اۋداندارىندا جۇرگىزىلىپ، وندا جەكە قۇرامىندا 35 قىزمەتكەر 8 تەحنيكا مەن 8 موتوپومپا جۇمىلدىرىلعان.

جەكە تۇرعىن ۇيلەر مەن باسقا نىسانداردا جالپى كولەمى 1137 تەكشە مەتر سۋ شىعارىلعان. ال، تاڭعى ساعات 07:48 دە «112» قۇتقارۋ قىزمەتىنە كۇنشىعىس شاعىن اۋدانىنداعى كوپقاباتتى ءۇيدىڭ اۋلاسىندا جانە ءال- فارابي اۋدانىنداعى تۇركىستان كوشەسى مەن د. قونايەۆ داڭعىلىنىڭ قيىلىسىندا اعاشتاردىڭ قۇلاعانى تۋرالى حابارلانعان. سول سياقتى ءابدىرازاقوۆ كوشەسىندەگى كوپقاباتتى ءۇيدىڭ اۋلاسىندا اۆتوكولىكتىڭ ۇستىنە اعاش قۇلاعاندىعى تۋرالى اقپارات تۇسكەن.

«وقيعا ورنىنا جەدەل قۇتقارۋ جاساعىنىڭ قۇتقارۋ بولىمشەسى، ءورت ءسوندىرۋ ءبولىمىنىڭ جەكە قۇرامىندا 15 ادام مەن 3 تەحنيكا جۇمىلدىرىلدى. زارداپ شەككەندەر جوق. وقيعا سالدارى جويىلعان» ، دەلىنگەن حابارلامادا.