گرۋزيادا كوروناۆيرۋس جۇقتىرعان العاشقى جاعداي تىركەلدى
بۇل تۋرالى گرۋزيانىڭ دەنساۋلىق ساقتاۋ ءمينيسترى ەكاتەرينا تيكارادزە مەن ەلدىڭ اۋرۋدى باقىلاۋ جانە قوعامدىق دەنساۋلىق جونىندەگى ۇلتتىق ورتالىق باسشىسى اميران گامكرەليدزە ۇكىمەت اكىمشىلىگىندە بولعان بريفينگىدە مالىمدەدى.
ينفەكتسيا جۇقتىرعان 50 جاستاعى ەر ادام. ول ءبىر اپتاعا دوسىمەن بىرگە يرانعا ساياحاتتاعان. ەر ادام ازەربايجان ارقىلى گرۋزياعا ورالعان. شەكارادا ودان اۋرۋدىڭ بەلگىلەرى انىقتالعان. قازىرگى ۋاقىتتا ەر ادام تبيليسي ورتالىق جۇقپالى اۋرۋحاناسىندا كارانتينگە جاتقىزىلدى. بۇل رەتتە ناۋقاس ەمحاناعا رەانوموبيلمەن جەتكىزىلگەن، جولاي ادامدارمەن بايلانىسقا تۇسپەگەن. سونداي- اق، ونىڭ ەرىپ كەلگەن تانىسى دا تەكسەرىلدى، ءبىراق ودان كوروناۆيرۋس تابىلمادى.
«بىزدە الاڭداۋعا نەگىز جوق، ويتكەنى گرۋزيادا ينفەكسيا بولماۋى ءۇشىن بارلىق شارالاردى قابىلدايمىز» ، — دەپ اتاپ ءوتتى تيكارادزە. مينيستر سونداي- اق گرۋزيا ۇكىمەتى ەكى اپتاعا ازەربايجانمەن شەكارانى جابۋ تۋرالى شەشىم قابىلداعانىن حابارلادى.
سونىمەن قاتار، گامكرەليدزە ازەربايجاننان كەلگەن ەر ادامنىڭ باعدارلىق تاكسيمەن جەتكەنىن ايتتى. دەنساۋلىق ساقتاۋ مينيسترلىگىنىڭ ءتيىستى قىزمەتتەرى بارلىق ىقتيمال بايلانىستاردى انىقتاۋ ءۇشىن ۆيرۋس جۇقتىرعان ادامنىڭ بارعان جەرلەرىن انىقتاي باستادى. سونداي- اق، دۇنيەجۇزىلىك دەنساۋلىق ساقتاۋ ۇيىمىنا گرۋزياداعى العاشقى ينفەكسيا جۇقتىرۋ جاعدايى تۋرالى حابارلانادى.
مينيستر بۇل ۆيرۋس جۇقتىرۋ قاۋپىن تومەندەتەتىنىن، سونداي- اق ينفەكسيا جۇقتىرعان ادامدارمەن بايلانىسقان كەدەن قىزمەتكەرلەرى دە كارانتينگە الىناتىنىن اتاپ ءوتتى.
تبيليسي جۇقپالى اۋرۋلار اۋرۋحاناسىنىڭ ديرەكتورى تەنگيز تسەرتسۆادزە جۋرناليستەرگە كوروناۆيرۋس جۇقتىرعان ادامنىڭ جاعدايىن ايتىپ بەردى.
«قازىرگى ۋاقىتتا ونىڭ جاعدايى قاناعاتتانارلىق، دەنە قىزۋى كوتەرىلمەگەن، وكپە قابىنۋى جوق. بۇل كەزەڭدە ونىڭ جاعدايى ەشقانداي ينتەنسيۆتى تەراپيا جۇرگىزۋدى قاجەت ەتپەيدى. ەگەر قاجەت بولسا، ول بارلىق مۇمكىن ەمدەۋ كەزەڭدەرىنەن وتەدى»، - دەپ مالىمدەدى سەرتسۆادزە.