مايك پومپەو كوروناۆيرۋس جايلى: اشى بولسا دا شىندىق ايتىلسىن
ا ق ش پەن تالىبتەر 2019 -جىلى بىرنەشە اي بويى كەلىسسوزدەر جۇرگىزگەن. ناتيجەسىندە ءبىتىم تۋرالى شارتتىڭ جوباسى كەلىسىلگەن بولاتىن. بۇل قۇجات اتىستى توقتاتۋ، اۋعانستاننان شەتەل اسكەرىن شىعارۋ جانە ەلدە بەيبىتشىلىك ورناتۋعا ارنالعان جالپى ۇلتتىق كەلىسسوزدەردى باستاۋدى قاراستىرىپ وتىر. سونىمەن قاتار مايكل پومپەو 6 ەلگە جاساعان ساپارىنىڭ قورىتىندىسىمەن تانىستىرىپ، كوروناۆيرۋس جونىندە پىكىرىن ءبىلدىردى. ول بارلىق مەملەكەتتەردى COVID-19 دەرتى تۋرالى شىندىق ايتۋعا جانە قىتاي باسشىلىعىن ءوز جانە شەتەل تىلشىلەرىنە جانە مەديتسينالىق قىزمەتكەرلەرگە ءوز پىكىرىن ەركىن بىلدىرۋگە رۇقسات ەتۋگە شاقىردى.
مايكل پومپەو، ا ق ش مەملەكەتتىك حاتشىسى:
- ا ق ش- تا ىندەتتىڭ تارالۋىنا توسقاۋىل قويۋ ءۇشىن ساپارلارعا شەكتەۋ قويدىق. ۆيرۋستى جۇقتىرعان ازاماتتارىمىز، اتاپ ايتقاندا، حۋبەي پروۆينتسياسىنا ساياحاتتاعان جانە Diamond Princess كەمەسىندە بولعان ادامدار ەلگە ورالعاندا وقشاۋلانىپ، ەم قابىلداۋدا. ال ەلىمىزدەن تىس اۋماقتا مەملەكەتتىك دەپارتامەنت ۆيرۋسقا قاتىستى جاعدايدى مۇقيات باقىلاپ، وسى دەرتتەن زارداپ شەككەن ەلدەرگە كومەك كورسەتىپ جاتىر.
www.24.kz