+7 (701) 759 90 19
23 °С : نۇر-سۇلتان
24 °С : الماتى
USD 411.66 EUR 465.92
RUB 5.81 CNY 58.79
جاڭالىقتار

دۋلات يسابەكوۆ اباي كەشى جونىندە: جۇرەككە ۇلكەن ۇيا سالعانداي بولدى

27 اقپان 10:03
:ءبولىسۋ
دۋلات يسابەكوۆ اباي كەشى جونىندە: جۇرەككە ۇلكەن ۇيا سالعانداي بولدى

الماتى. قازاقپارات - جازۋشى، دراماتۋرگ دۋلات يسابەكوۆ ابايدىڭ 175 جىلدىعىنا ارنالعان پوەزيا جانە مۋزىكا كەشىنەن العان اسەرىمەن ءبولىستى، دەپ حابارلايدى قازاقپارات ءتىلشىسى.

«بۇگىنگىدەي كەشتە مەن ءبىرىنشى رەت وتىرمىن. ويتكەنى، بۇنداي ءبىر رۋحاني ءلاززات الۋ، ساحناعا ءسۇيسىنىپ قاراپ وتىرۋ، ونداعى دەكوراتسيا جانە انشىلەرىمىز، اباي ولەڭدەرى - جۇرەككە ۇلكەن ۇيا سالعانداي بولدى. وسىنداي كونسەرتتەر، وسىنداي باس قوسار ۋاقىت قاشان بولادى ەكەن دەپ ءجۇر ەدىم. بۇل- تەرەڭ ويعا جەتەلەيتىن كەش بولدى. ابايدىڭ وي مۇحيتىنا شومىلىپ شىققانداي بولدىم» ، — دەيدى دۋلات يسابەكوۆ.

ايتا كەتۋ كەرەك، كەش بارىسىندا كورەرمەندەردىڭ وزدەرى، ەرەسەكتەر مەن بالالار دا ۇلى اقىننىڭ ولەڭدەرىن وقۋعا بەلسەندى قاتىستى.

«وتە عاجايىپ. ابايدىڭ بۇكىل جۇرەگىن ەل- حالقىنا جەتكىزگەن ۇلكەن كەش بولدى. ەرەكشە كۇيگە بولەندىك. ادامنىڭ جۇرەگىن تەبىرەنتەرلىك، تولعاندىرارلىق كەش بولدى» ، - دەيدى كەشكە كەلگەن قالا تۇرعىنى.

بۇعان دەيىن حابارلاعانىمىزداي، الماتىداعى رەسپۋبليكا سارايىندا ابايدىڭ 175 جىلدىعىنا ارنالعان پوەزيا جانە مۋزىكا كەشى ءوتتى. وعان قالا اكىمى باقىتجان ساعىنتايەۆ، زيالى قاۋىم وكىلدەرى، مادەنيەت قايراتكەرلەرى قاتىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات