كوروناۆيرۋس نورۆەگياعا جەتتى

وسلو. قازاقپارات - نورۆەگيادا كوروناۆيرۋس جۇقتىرۋدىڭ العاشقى جاعدايى راستالدى، دەپ حابارلايدى قازاقپارات.

ونى 26 - اقپان كۇنى كەشكە ەلدىڭ دەنساۋلىق ساقتاۋ ءمينيسترى بەنت حويە راستاعان بولاتىن. ۆيرۋس جۇقتىرعان پاتسيەنت - نورۆەگيانىڭ سولتۇستىگىندە ورنالاسقان ترومسە قالاسىنىڭ تۇرعىنى. كەلىنشەك دەمالىس كۇندەرى قىتايدان ورالعان.

«جەكە تەكسەرۋدەن كەيىن سىناما الىندى، ونىڭ ءبىرىنشىسى تەرىس ناتيجە كورسەتتى، ءبىراق سوڭعىسى از مولشەردە وڭ ناتيجە كورسەتتى» ، - دەدى نورۆەگيانىڭ قوعامدىق دەنساۋلىق ساقتاۋ (FHI) دەپارتامەنتىنىڭ وكىلى لاين ۆولد وسلودا وتكەن شۇعىل باسپا ءسوز كونفەرەنتسياسىندا.

ونىڭ ايتۋىنشا، قازىرگى ۋاقىتتا كوروناۆيرۋس جۇقتىرعان ايەل ءۇي جاعدايىنداعى كارانتينگە جىبەرىلگەن، ونىڭ جاعدايى جەڭىل اۋرۋ رەتىندە باعالاندى.

دەپارتامەنت وكىلدەرى ونىڭ باسقا ادامدارعا جۇقتىرۋ ىقتيمالدىعى تومەن ەكەنىن اتاپ وتە وتىرىپ، كەلىنشەكتىڭ نورۆەگياعا كەلگەننەن كەيىن بايلانىستا بولعان ادامدارىن انىقتاۋدا.

سونداي- اق ل. ۆولد ينفەكسيا جۇقتىرۋدىڭ جاڭا جاعدايلارى بولسا، ولار دا شۇعىل كارانتينگە جىبەرىلەتىنىن ايتتى.

اۆتور: ءىلياس وماروۆ