+7 (701) 759 90 19
1 °С : نۇر-سۇلتان
10 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

كرۋيزدىك لاينەرىندەگى ءۇش رەسەيلىكتەن كوروناۆيرۋس انىقتالدى

27 اقپان 09:40
:ءبولىسۋ
كرۋيزدىك لاينەرىندەگى ءۇش رەسەيلىكتەن كوروناۆيرۋس انىقتالدى

ماسكەۋ. ت ا س س- قازاقپارات - Diamond Princess كرۋيزدىك لاينەرىندەگى 3 رەسەيلىكتىڭ كوروناۆيرۋس جۇقتىرعانى ءمالىم بولدى.

بۇل تۋرالى روسپوترەنادزور ۇيىمىنىڭ باسشىسى اننا پوپوۆا مالىمدەدى، دەپ حابارلايدى قازاقپارات رەسەيدىڭ ت ا س س اگەنتتىگىنە سىلتەمە جاساپ.

«ءبىز رەسەي ازاماتتارىن جاپونيادان جەتكىزدىك. قازىرگى تاڭدا 8 ادام مەديتسينالىق ستاتسيوناردا، مامانداردىڭ باقىلاۋىندا. ولاردىڭ اراسىندا جاپونيادا «جاڭا كوروناۆيرۋستىق ينفەكتسيا» دياگنوزى قويىلعان ءۇش ازامات تا بار. ناۋقاس جۇقتىرعانداردىڭ وتباسى مۇشەلەرى دە كازان قالاسىنا جەتكىزىلىپ، اۋرۋحاناعا جاتقىزىلدى. ءۇش ادامدا ۆيرۋس بار ەكەنى بىرنەشە ءادىس بويىنشا تەكسەرىلىپ، انىقتالدى»، - دەدى اننا پوپوۆا.

ونىڭ سوزىنشە، ۆيرۋس جۇقتىرعان ازاماتتاردى قوسا العاندا ادامداردىڭ بارلىعىنىڭ جاعدايى قيىن ەمەس.

«بارلىعىنىڭ دەنە قىزۋى قالىپتى، ەشقايسىسىنان ءتىپتى «جاڭا كوروناۆيرۋستى ينفەكتسيا» جۇقتىرعانداردىڭ وزدەرىندە كلينيكالىق اۋىتقۋلار بولعان جوق»، - دەپ قوستى ول.

رەسەيدە كوروناۆيرۋستىڭ تارالۋى تۋرالى ەسكەرتۋ جونىندەگى جەدەل شتابتىڭ تاپسىرماسى بويىنشا 23- اقپان كۇنى رەسەيدىڭ توتەنشە جاعدايلار مينيسترلىگىنىڭ ان-148 ۇشاعى جاپونيانىڭ يوكوگاما ايلاعىندا تۇرعان لاينەردەگى رەسەيلىك 8 ادامدى توكيودان قازان قالاسىنا جەتكىزدى. قازان قالاسىنا جەتكىزىلگەن ازاماتتار مەن ولاردى تاسىمالداۋمەن اينالىسقان قىزمەتكەرلەر 14 كۇن كارانتيندە بولادى.

ايتا كەتەيىك، Diamond Princess لاينەرى يوكوگامادان 20- قاڭتار كۇنى شىعىپ، 3- اقپان كۇنى قايتا كەلدى. جولاۋشىلاردىڭ اراسىنداعى قىتاي ازاماتىنان كوروناۆريۋس انىقتالدى. ول 25- قاڭتار كۇنى گونكونگتان ءتۇسىپ قالعان. جاپونيا بيلىگىنىڭ شەشىمىمەن 50 ەلدەن كەلگەن 3,7 جولاۋشىسى مەن ەكيپاج مۇشەلەرى بار كەمەدە 5- اقپاننان باستاپ، ەكى اپتالىق كارانتين جاريالاندى.

وسىعان دەيىن جاپونياداعى لاينەردە بولعان 4 قازاقستاندىقتىڭ نۇر-سۇلتاندا كارانتينگە جاتقىزىلعاندىعىن جازعان بولاتىنبىز.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات