كوروناۆيرۋس: گرەكيادا العاشقى ۆيرۋس جۇقتىرۋ جاعدايى تىركەلدى
باسىلىمنىڭ مالىمەتىنشە، يتاليانىڭ سولتۇستىگىنەن جاقىندا عانا كەلگەن سالونيكيدەگى 38 جاستاعى ايەلدەن ۆيرۋس انىقتالعان. ەلدىڭ دەنساۋلىق ساقتاۋ مينيسترلىگى ونىڭ وتباسى شامامەن 14 كۇنگە كارانتينگە جىبەرىلەتىنىن راستادى.
حابارلامادا دەنساۋلىق ساقتاۋ وكىلدەرى افينادا دەنساۋلىق ساقتاۋ ءمينيسترى ۆاسيليسا كيكيلياسانىڭ توراعالىعىمەن شۇعىل جينالىس ءوتىپ جاتقانى ايتىلعان. مينيستر جينالىستان سوڭ سالونيكيگە بارادى.
سونداي- اق كوروناۆيرۋستىڭ ءورشۋ جاعدايىندا ەل بيلىگى ۋاقىتشا مەكتەپتەردى، ۋنيۆەرسيتەتتەردى، تەاتر، كينوتەاترلاردى، سپورتتىق جانە سۋرەت ورتالىقتارىن جابادى.
سونىمەن قاتار Gulf Newshttps سارسەنبى كۇنى كۋۆەيتتە كوروناۆيرۋس جۇقتىرۋ جاعدايلارىنىڭ سانى 25 كە جەتكەنىن اتاپ وتكەن. تەك بۇگىننىڭ وزىندە 13 جاڭا جاعداي تىركەلگەن. ۆيرۋس جۇقتىرعانداردىڭ بارلىعى يراندا بولعان ەكەن.
كۋۆەيتتىڭ دەنساۋلىق ساقتاۋ مينيسترلىگى كوروناۆيرۋس جۇقتىرعان بارلىق پاتسيەنت كارانتيندە، جاعدايلارىنىڭ تۇراقتى ەكەنىن ايتتى.
دۇيسەنبى كۇنى كۋۆەيتتىڭ ازاماتتىق اۆياتسيا باسقارماسى جاڭا ۆيرۋس ءورشىپ تۇرعان وڭتۇستىك كورەيا، تايلاند جانە يتاليا ەلدەرىنە باراتىن جانە كەلەتىن ۇشاقتاردى توقتاتقانى تۋرالى حابارلاعان بولاتىن.
Diamond Princess كرۋيزدىك لاينەرىنەن جاعىمسىز جاڭالىق كەلدى، جاپونيانىڭ دەنساۋلىق ساقتاۋ، ەڭبەك جانە ءال- اۋقات مينيسترلىگىنىڭ مالىمەتتەرى بويىنشا، تاعى 14 ادام كوروناۆيرۋستى جۇقتىرعان. كەمەدەگى ۆيرۋس جۇقتىرعانداردىڭ جالپى سانى قازىردىڭ وزىندە 705 ادامعا جەتتى. لاينەر جاپونيانىڭ يوكوگاما پورتىندا ءۇش اپتادان بەرى تۇر.