ءومىر بويىنا تۇرمەگە قامالادى: قىتايدا زاڭسىز جولمەن مەديتسينالىق بەتپەردە جاساعان ازاماتتار ۇستالدى

نۇر-سۇلتان. قازاقپارات - قىتايدا قولمەن مەديتسينالىق بەتپەردە جاساپ، ونى ساتۋمەن زاڭسىز اينالىسقان 1560 ادام ۇستالدى. بۇل تۋرالى ق ح ر- دىڭ قوعامدىق قاۋىپسىزدىك جونىندەگى ءمينيسترى دۋ حانۆەي مالىمدەدى.

«ءبىز 688 ءىستى تىركەدىك. پوليتسيا قىزمەتكەرلەرى 31 ميلليون دانا حالىقارالىق جانە مەملەكەتتىك ستاندارتتارعا ساي كەلمەيتىن مەديتسينالىق بەتپەردەلەردى تاركىلەدى»، - دەدى ول.

قىتايدا مۇنداي ارەكەتپەن اينالىسقان ازاماتتار ءومىر بويىنا دەيىن باس بوستاندىعىنان ايىرىلىۋى مۇمكىن. بۇعان قوسا اسپان استى ەلىنىڭ وكىلدەرى زاڭسىز تاۋار جاساپ شىعارعان ازاماتتارمەن قوسا، بەتپەردەلەردىڭ باعاسىن اسىرا قىمباتتاتىپ جىبەرگەندەرمەن دە كۇرەسىپ جاتقاندىعىن ايتىپ ءوتتى.