قوردايلىق ەكى تۇرعىننىڭ ۇيىنەن ءبىر كەلىدەن استام گەروين تابىلدى
پوليسەيلەر اسا ءىرى كولەمدەگى ەسىرتكى زاتىن ساتۋشىلاردى ۇستادى. بۇل تۋرالى وبلىستىق پ د باسپا ءسوز قىزمەتى حابارلادى.
«25 - اقپان كۇنى ارنايى جەدەل- ىزدەستىرۋ ءىس- شارالارى بارىسىندا جامبىل وبلىسى پ د ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى قورداي اۋدانىنىڭ 45 جانە 42 جاستاعى ەكى تۇرعىنىنىڭ تۇرعىلىقتى مەكەنجايىنا ءتىنتۋ جۇمىستارىن جۇرگىزدى. پوليەتيلەندى قالتاشاعا سالىنعان ەسىرتكى زاتى كۇدىكتىلەردىڭ ءبىرىنىڭ ۇيىنەن، ەكىنشىسىنىڭ جازعى اس ۇيىنەن تابىلدى» ، - دەلىنگەن ۆەدومستۆو حابارلاماسىندا.
سوت- حيميالىق ساراپتاماسىنىڭ اكتىسىنە سايكەس، تاركىلەنگەن زات گەروين ەكەندىگى انىقتالعان. ەسىرتكىنىڭ بۇل اۋىر ءتۇرىنىڭ جالپى سالماعى ءبىر كەلىدەن اسادى.
قازىرگى ۋاقىتتا اتالعان دەرەككە قاتىستى ق ر ق ك- ءنىڭ 297-بابى 3-بولىگىمەن سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر ۋاقىتشا ۇستاۋ وقشاۋلاعىشىنا قامالدى.