الماتى اكىمدىگى اسا قاجەتتىلىك بولماسا ادام كوپ جينالاتىن جەرلەرگە بارماۋدى ەسكەرتتى
دەپ حابارلايدى قازاقپارات ءتىلشىسى.
«بۇگىندە الماتى قالاسى اۋماعىندا كوروناۆيرۋستىق ينفەكتسيانىڭ راستالعان جاعدايلارى جوق. قالاعا قاۋىپتى ايماقتاردان كەلەتىن ادامدارعا وقشاۋلاۋ شارالارى قولدانىلدى»، - دەدى ت. ابىلدايەۆ.
سونىمەن قاتار، بارلىق مەديتسينالىق ۇيىمداردىڭ جەكە قورعانۋ قۇرالدارىمەن تولىق قامتاماسىز ەتىلگەنى ايتىلدى.
شەت ەلدەن كەلگەندەر مەديتسينالىق ۇيىمداردىڭ كومەگىنە جۇگىنەتىن بولسا، ولارعا جەتە كوڭىل بولىنەتىن بولادى جانە ءۇي كارانتينى بەلگىلەنەدى.
ايتا كەتۋ كەرەك، بۇل ماسەلە الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن كوروناۆيرۋس اۋرۋىن تاراتپاۋ جانە بولدىرماۋ جونىندەگى وڭىرلىك شتابتىڭ باقىلاۋىندا تۇر.
تىلەۋحان ابىلدايەۆ اۋەجاي، ۆوكزال اۋماعىنداعى كوروناۆيرۋستىق ينفەكتسيانىڭ الدىن الۋ شارالارىن ساقتاۋ ءۇشىن اتاپ ايتقاندا دەزينفەكتسيالىق قورعانىس قۇرالدارىنا تەكسەرۋ جۇرگىزىلگەنىن حابارلادى.
كوروناۆيرۋسقا قارسى ءىس- قيمىل بويىنشا سانيتارلىق الدىن الۋ شارالارىن ىسكە اسىرۋ ءۇشىن جەكە گيگيەنا ەرەجەلەرىن قاتاڭ ساقتاۋ، قولدى ءتيىستى دەزينفەكتسيالىق قۇرالدارمەن ءسۇرتۋ، سونداي- اق ادامدار كوپ جينالاتىن جەرلەردەن اۋلاق بولۋ ۇسىنىلادى.
«بۇل ينفەكتسيانىڭ (كوروناۆيرۋس) تارالۋىن بولدىرماۋ ءۇشىن اسا قاجەتتىلىك بولماسا كوپشىلىك، ادامدار كوپ جينالاتىن ورىندارعا بارماۋعا كەڭەس بەرىلەدى. قازىر جرۆي مەن تۇماۋ اۋرۋىنىڭ باستالعان كەزەڭى. كوپ نارسە جەكە گيگيەناعا بايلانىستى. جرۆي مەن تۇماۋمەن سىرقاتتانۋ كەزەڭىندە ادام وسى ينفەكتسيانى وزدەرىنىڭ جاقىندارىنا، تۋعان- تۋىستارىنا، بىرگە جۇمىس ىستەيتىن ارىپتەستەرىنە تاراتپاۋ ءۇشىن ءتيىستى شارالاردى قولدانۋ كەرەك»، - دەدى ت. ابىلدايەۆ.
اۆتور: گۇلميرا عوسمانالي