كورەيادا كوروناۆيرۋستىڭ تارالۋىنا سەبەپكەر بولعان سەكتانىڭ ۋحاندا بولىمشەسى بار
جەرگىلىكتى بيلىك ىندەتتىڭ جايىلۋىن توقتاتۋعا قاۋقارسىز. قازىر ستۋديامەن ارنامىزدىڭ وڭتۇستىك كورەياداعى مەنشىكتى ءتىلشىسى ۆلاديسلاۆ سوي تەلەفون ارقىلى بايلانىسقا شىعىپ وتىر، دەپ جازادى «حابار 24» ارناسى.
قازىر وڭتۇستىك كورەيا تۇرعىندارى ءۇشىن ۇرەيلى بولماسا دا الاڭداپ كۇي كەشكەن كۇندەر بولىپ تۇر. كوروناۆيرۋستان قازا تاپقاندار مەن دەرتتى جۇقتىرعاندار تۋرالى اقپار ءدال ءبىر ۇرىس دالاسىنان كەلىپ جاتقان حابار- وشارعا ۇقسايدى. قازىر ەلدە COVID-19 ۆيرۋسىنا شالدىققاندار سانى 1 مىڭنان استى. اۋرۋدى جاڭا جۇقتىرعانداردىڭ باسىم بولىگى تەگۋ قالاسىنىڭ تۇرعىندارى. سينچجوندي ءدىني اعىمىنىڭ وكىلدەرى.
دەرتتەن 12 ادام كوز جۇمدى. سوڭعى رەت كوروناۆيرۋستان قان ديابەتىنە شالدىققان 73 جاستاعى ەگدە ادام قايتىس بولدى. ونىڭ ىشىندە موڭعوليانىڭ ءبىر ازاماتى بار.
- ال ىندەتتىڭ تارالماۋى ءۇشىن جەرگىلىكتى بيلىكتىڭ قولعا العان شارالارى قانداي؟
- بىرىنشىدەن، پرەمەر- مينيستر ىندەت وشاعىنا اينالعان ايماقتى كورىپ قايتۋعا جولعا شىقتى. ۇكىمەت باسشىسى ول جاقتا سينچجوندي سەكتاسىنىڭ مۇشەلەرىمەن كەزدەسپەك. گونكونگتاعى «مورنينگ پوست» باسىلىمىنىڭ مالىمەتىنە قاراعاندا بۇل ءدىني اعىمنىڭ ۋحان قالاسىندا بولىمشەسى بولعان. قىتايدا بۇل اعىمدى ۇستانۋشىلاردىڭ سانى 20 مىڭداي ەكەن. ال سەۋلگە كەلەتىن بولساق بۇگىن قالا مەرى شاھاردىڭ تاعى 2 الاڭىندا شارا وتكىزۋگە تىيىم سالدى.
ۆوكزال مەن پرەزيدەنت سارايىنىڭ الدىندا دا جينالۋعا بولمايدى. قالاداعى جاعداي تۋرالى تۇرعىنداردىڭ وزدەرىن تىڭداپ كورەيىك.
بليتس:
1) مەن ەپيدەميا باستالماي تۇرىپ ا ق ش- تان كەلدىم. قازىر كوپتەگەن قوعامدىق جەرلەر جۇمىسىن توقتاتتى. حالىق ۆيرۋس جۇقتىرۋدان قورقادى. مەن دە ساقتىق شارالاردى ۇسانامىن. كورەيا بيلىگى ورىن العان جاعدايدى جەڭەدى دەگەن ءۇمىت بار.
2) ۆيرۋستىڭ تارالۋىنا بايلانىستى الاڭداپ وتىرمىز. COVID-19 اۋرۋىنىڭ جايىلماۋى ءۇشىن كومپانيانىڭ ءبىراز قىزمەتكەرلەرى جۇمىسىن ۇيىندە وتىرىپ جالعاستىرىپ جاتىر. جۇمىس ۋاقىتى دا قىسقارتىلدى. ءوز باسىم قىزمەتىمدى كەڭسەدە جالعاستىرىپ جاتىرمىن. ويتكەنى جاعداي سونشالىقتى قورقىنىشتى دەپ ويلامايمىن.
ايتا كەتەيىن، سەۋلدە ءالى ماسكا تاپشىلىعى بايقالادى. جاعىمدى جاڭالىقتار دا بار. اۋرۋحانالاردان 22 ادام ەمدەلىپ شىقتى. ياعني ولار قاۋىپتى ۆيرۋستى ەڭسەردى دەۋگە نەگىز بار.
www.24.kz