كوروناۆيرۋس وڭتۇستىك كورەياداعى امەريكالىق جاۋىنگەردەن انىقتالدى

استانا. قازاقپارات - كوروناۆيرۋس وڭتۇستىك كورەياداعى ا ق ش قارۋلى كۇشتەرىنىڭ جاۋىنگەرىنەن انىقتالدى، دەپ حابارلايدى «حابار 24».

ول سەۋلدەن 220 شاقىرىمداي جەردەگى كەمپ- كەررولل اسكەري بازاسىندا قىزمەت ەتىپ جاتقان. قازىر 23 جاستاعى سارباز اۋرۋحاناعا جاتقىزىلدى. ءبىراق ونىڭ دەرتتى قايدان جۇقتىرعانى ءالى بەيمالىم.

ايتا كەتەيىك، وڭتۇستىك كورەيادا كوروناۆيرۋستى جۇقتىرعانداردىڭ سانى 1 مىڭ 146-عا جەتتى. سوڭعى ءبىر تاۋلىكتە دەرتكە تاعى 169 ادام شالدىققان. بيلىك ازىرگە ىندەتتىڭ تارالۋىنا توسقاۋىل قويا الماي وتىر.

www.24.kz