جانداربەك بەكشين قىتاي شەكاراسىنداعى جاعداي قانداي ەكەنىن ايتتى
«قىتايمەن شەكارانى ارالاۋ ناتيجەسىندە، قىتايلىق جانە ءبىزدىڭ تاراپتىڭ اۋرۋ جۇقتىرۋ قاۋپىن ازايتۋ ماقساتىندا قازاقستاننىڭ اۋماقتىق دەپارتامەنتتەرىنە، شەكارا قىزمەتى مەن كەدەن قىزمەتىنە مىندەتتەمەلەردى ءبولۋ سحەمالارىن جاساۋ تاپسىرىلدى» ، - دەدى جانداربەك بەكشين ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، ج. بەكشين قازاقستان مەن قىتاي اراسىندا جۇك تاسىمالىنىڭ توقتاماعانىن اتاپ ءوتتى.
«جۇك تاسىمالىمەن اينالىساتىن قىزمەتكەرلەرگە، ونىڭ ىشىندە جۇرگىزۋشىلەرگە قاتىستى ەش قاۋىپتىڭ جوقتىعىن انىقتادىق. گازبەن اينالىساتىن كولىك جۇرگىزۋشىلەرى ءۇشىن دە قاۋىپ جوق. ولار كەدەندىك ايماققا ەكى ساعاتقا كىرەدى جانە قازاقستانعا وتپەيدى. باسقا دا اۋىر جۇك كولىكتەرى جۇرگىزۋشىلەرى شەكارا ايماعىندا تۇر. قىتايلىق تاراپتان دا، ءبىزدىڭ تاراپتان دا شارالار قابىلداپ جاتىر. كولىك جۇرگىزۋشىلەرى باقىلاۋعا الىنعان» ، - دەدى باس دارىگەر.
ونىڭ ايتۋىنشا، تەكسەرۋ جۇمىستارى كۇنىنە ەكى رەت جۇرگىزىلەدى.