كوروناۆيرۋس ورشىگەن ەلدەردە قانشا قازاقستاندىق ءجۇر

None
None
نۇر- سۇلتان. قازاقپارات – ق ر باس مەملەكەتتىك سانيتار دارىگەرى جانداربەك بەكشين كوروناۆيرۋس ورشىگەن ەلدەردە قانشا قازاقستاندىق جۇرگەنىن جاريالادى، دەپ حابارلايدى قازاقپارات ءتىلشىسى.

«ق ر سىرتقى ىستەر مينيسترلىگى كوروناۆيرۋس اۋرۋى ورشىگەن مەملەكەتتەردە قانشا قازاقستاندىقتىڭ جۇرگەنىن حابارلادى. قولداعى مالىمەتكە سايكەس، وڭتۇستىك كورەيادا - 34 مىڭ، جاپونيادا - 180، يراندا – 170 كە جۋىق قازاقستاندىق بار»، - دەدى باس سانيتار دارىگەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

بۇعان دەيىن ج. بەكشين كوروناۆيرۋس بويىنشا اسا قاۋىپتى مەملەكەتتەردەن كەلگەن قازاقستاندىقتاردىڭ ءۇي كارانتينىنە وقشاۋلاناتىنىن حابارلاعان ەدى. بۇل تىزىمگە قىتاي، وڭتۇستىك كورەيا، جاپونيا، يتاليا، يران، گونكونگ، ماكاو، تايۆان ەنگەن.

سونىمەن بىرگە، كوروناۆيرۋس ينفەكسياسىنا بايلانىستى قازاقستان وڭتۇستىك كورەيا مەن يرانعا اۋە رەيستەرىن شەكتەيدى .


سوڭعى جاڭالىقتار