كوروناۆيرۋس: قازاقستان وڭتۇستىك كورەيا مەن يرانعا اۋە رەيستەرىن ازايتادى

نۇر-سۇلتان. قازاقپارات - كوروناۆيرۋس ينفەكتسياسىنا بايلانىستى قازاقستان وڭتۇستىك كورەيا مەن يرانعا اۋە رەيستەرىن شەكتەيدى، دەپ حابارلايدى قازاقپارات.

بۇل تۋرالى ق ر باس مەملەكەتتىك سانيتار دارىگەرى جانداربەك بەكشين ايتىپ بەردى.

«وڭتۇستىك كورەيا قاۋپى جاعىنان 1 ساناتقا ەنگىزىلدى. 1- ناۋرىزدان باستاپ 9 رەيستەن 3 رەيسكە دەيىن ازايادى. ق ر ينۆەستيتسيا جانە ينفراقۇرىلىمدىق دامۋ جانە سىرتقى ىستەر مينيسترلىكتەرىمەن بىرلەسىپ، وزگە مەملەكەتتەردى دە قاراستىرىپ جاتىرمىز. ماسەلەن، جاپونياعا اپتاسىنا ەكى رەت رەيس ۇشادى. جولاۋشىلار اعىنى از بولعاندىقتان، ازىرگە ەش قيىندىق جوق»، - دەدى جانداربەك بەكشين ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، يران مەن قازاقستان اراسىنداعى اۋە قاتىناسىنا شەكتەۋ قويىلادى.

«تۇركيا، پاكىستان، ومان، اۋعانستان سىندى ەلدەر يرانمەن اۋە قاتىناسىن ۋاقىتشا شەكتەگەن ەدى. وزگە مەملەكەتتەر بويىنشا شەكتەۋ قويۋ ماسەلەسىن قاراستىرىپ جاترىمىز»، - دەدى باس سانيتارلىق دارىگەر.

ايتا كەتەيىك، وڭتۇستىك كورەيادا 1146 ادام كوروناۆيرۋس جۇقتىرىپ، 11 ادام كوز جۇمدى. يراندا كوروناۆيرۋسقا قاتىستى 42 وقيعا تىركەلىپ، ونىڭ 12 ءسى ولىممەن اياقتالدى.