+7 (701) 759 90 19
5 °С : نۇر-سۇلتان
12 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

ەلىمىزدىڭ باس سانيتار دارىگەرى ماڭىزدى مالىمدەمە جاسادى

26 اقپان 12:29
:ءبولىسۋ
ەلىمىزدىڭ باس سانيتار دارىگەرى ماڭىزدى مالىمدەمە جاسادى

نۇر-سۇلتان. قازاقپارات – قازاقستاننىڭ باس سانيتار دارىگەرى جانداربەك بەكشين مەكەمەلەردە دەزينفەكسيا جۇمىستارىن جۇرگىزۋ ماسەلەسىن كوتەرىپ، باسشىلارعا مالىمدەمە جاسادى، - دەپ حابارلايدى Tengrinews.kz ءتىلشىسى.

ونىڭ پىكىرىنشە، الەمدە قاۋىپتى دەرتتى جۇقتىرعان ادام سانى ازايماي تۇر. سوندىقتان باس سانيتار دارىگەر ساقتىق شارالارىن كۇشەيتۋ قاجەتىن ايتتى.

«قۇرمەتتى، مەكەمە باسشىلارى. سىزدەرگە دە مالىمدەمە جاسايىن. وسى جاعدايعا بايلانىستى دەزينفەكتسيالىق رەجيمدى كۇشەيتۋ كەرەك. بىرىنشىدەن، وبەكتىلەردە قول جۋاتىن جاعداي جاساۋ كەرەك. مۇندا مىندەتتى تۇردە سۋ مەن سۇيىق سابىن بولۋى قاجەت. بۇل ماسەلەگە ءمان بەرىڭىزدەر. ەكىنشىدەن، دەزينفەكتسيا جۇمىستارىن جۇرگىزۋ. مىسالى، ەسىكتىڭ تۇتقاسىن تازالاۋ»، - دەيدى جانداربەك بەكشين ورتالىق كوممۋنيكاتسيالار قىزمەتىندە وتكەن بريفينگتە.

ول تۇرعىندار ءجيى ۇستايتىن زاتتارعا دەزينفەكتسيا جاساۋ ماڭىزدى ەكەنىن اتاپ ءوتتى.

«بۇل - قاراپايىم ۇسىنىس. ارينە، وسىنداي دەزينفەكتسيا رەجيمى وتە قاجەت بولىپ تۇر»، - دەيدى باس سانيتار دارىگەر.

وسى ورايدا ول بالاباقشا، مەكتەپ جانە ارنايى وقۋ مەكەمەلەرىندەگى جاعدايعا دا ءمان بەرۋگە شاقىردى.

«ولار تاڭەرتەڭ وقۋعا كەلگەن كەزدە تەكسەرۋ كەرەك. ءجىتى رەسپيراتور ۆيرۋس ينفەكسيالارى بار وقۋشىلاردى انىقتاۋ قاجەت. ولاردى وقۋعا جىبەرۋگە بولمايدى. ولاردى دارىگەرگە قاراتۋ كەرەك»، - دەيدى بەكشين.

ايتا كەتەيىك، وسىعان دەيىن كوروناۆيرۋس جايلاعان ەلدەردە قانشا قازاقستاندىق بارىن جازعانبىز.

ەسكە سالايىق، قىتاي بيلىگى 2019 -جىلى 31-جەلتوقساندا دۇنيەجۇزىلىك دەنساۋلىق ساقتاۋ ۇيىمىن ۋحانداعى بەلگىسىز پنيەۆمونيانىڭ بەلەڭ الۋى تۋرالى حاباردار ەتتى. ماماندار اۋرۋدىڭ قوزدىرعىشتارىن انىقتادى - بۇل جاڭا كوروناۆيرۋس. دۇنيەجۇزىلىك دەنساۋلىق ساقتاۋ ۇيىمى مۇنى حالىقارالىق توتەنشە جاعداي دەپ تانىپ، اۋرۋعا رەسمي اتاۋ بەردى - COVID-19.

سونداي-اق قاۋىپتى دەرتتىڭ تارالۋىنا بايلانىستى قازاقستاننىڭ دەنساۋلىق ساقتاۋ مينيسترلىگى قازاقستاندىقتارعا قىتايدان بولەك، وڭتۇستىك كورەيا، يران، سينگاپۋر، مالايزيا، يتاليا، جاپونيا جانە تايلاندقا بارماۋعا كەڭەس بەرگەن بولاتىن.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات