پوليتسەيلەر اراسىندا «اباي وقۋلارى» بايقاۋى ءوتتى
قازاق تاريحى مەن ادەبيەتى الەمىندە ايرىقشا ورىن الاتىن جانە ۇلتتىق جازبا ادەبيەتىنىڭ نەگىزىن قالاۋشى ابايدىڭ 175 جىلدىعىنا وراي قاراعاندى وبلىسىنىڭ پ د ىشكى جانە سىرتقى كوممۋنيكاتسيالار باسقارماسى ساران قالاسىنداعى پوليتسيا بولىمىندە ىشكى ىستەر ورگاندارى قىزمەتكەرلەرى اراسىندا «اباي وقۋلارى» اتتى وبلىستىق بايقاۋ وتكىزدى.
اتالعان ءىس-شاراعا قاراعاندى وبلىسى پ د قاراستى ىشكى ىستەر ورگاندارىنىڭ قىزمەتكەرلەرى قاتىستى.
بايقاۋدىڭ باستى ماقساتى - ءتىل مادەنيەتىن كوتەرۋ، ۇلتتىق بولمىس پەن قۇندىلىقتاردى ۇلىقتاۋ، ىشكى ىستەر ورگاندارى قىزمەتكەرلەرى قاتارىنان تالانتتى جاستاردى انىقتاۋ.
«بۇگىنگى ۇرپاقتىڭ اباي شىعارمالارىن تولىققاندى ءنار الۋىن ەرەكشە ءمان بەرۋىمىز كەرەك. ويتكەنى اقىن ولەڭدەرىنىڭ باستى مۇراتى - ادام تاربيەسى، مىنەز-قۇلىق، ادەپ، ار-ۇيات سياقتى ماڭگىلىك ماسەلەلەر. ال، ونى رۋحاني جاڭارۋ مەن جاڭعىرۋدىڭ باستى ارقاۋى ەتىپ الۋ - اباي جولىن ۇستانعان ۇلت مەرەيىنىڭ اسقاقتىعى دەپ بىلەمىز»- دەپ اتاپ ءوتتى قاراعاندى وبلىسى پ د باستىعىنىڭ ورىنباسارى پوليتسيا پولكوۆنيگى قايىركەن اليەۆ.
«رۋحاني جاڭعىرۋ» باعدارلاماسىنىڭ اياسىندا ۇيىمداستىرىلعان بايقاۋ ەكى كەزەڭ بويىنشا ءوتتى.
«زاماناۋي كوزقاراس» دەپ اتالعان العاشقى كەزەڭدە قاتىسۋشىلار ابايدىڭ قارا سوزدەرىن بىرەۋىن تاڭداپ، وندا ايتىلعان ويدى ءوز پىكىرىمەن ۇشتاستىرا وتىرىپ بايانداۋدان سىنعا تۇسسە، ال، «جۇرەگىمنىڭ تۇبىنەن تەرڭ بويلا» دەگەن اتپەن وتكەن ەكىنشى كەزەڭدە ابايدىڭ ءبىر ولەڭىن ناقىشىنا كەلتىرىپ وقىپ بەرۋدەن جارىسقان بولاتىن.
ءادىل قازىلار القاسى ۇمىتكەرلەردىڭ ونەرىن باعالاۋ كەزىندە ولاردىڭ كوركەم ءماتىندى تاڭداۋ تالعامىنا، قارا ءسوز بەن ولەڭدى ناقىشىنا كەلتىرىپ وقۋىنا، ساحنالىق ونەر كورسەتۋ مادەنيەتىنە جانە قازاقتىڭ ۇلتتىق كيىم ۇلگىسىنە باسا نازار اۋدارعان بولاتىن.
بايقاۋدىق قورىتىندىسى بويىنشا جۇلدەلى 1-ورىندى قاراعاندى وبلىسىنىڭ پ د تەمىرتاۋ پ ب شىعىس پوليتسيا ءبولىمىنىڭ جەرگىلىكتى پوليتسيا قىزمەتى ۋچاسكەلىك پوليتسيا ينسپەكتورى پوليتسيا مايورى اسقار اۋەسحان ەنشىلەسە، جۇلدەلى 2-ورىن قاراعاندى قالاسىنىڭ پ ب كريمينالدىق پوليتسيا ءبولىمىنىڭ اعا جەدەل ۋاكىلى پوليتسيا كاپيتانى ايساۋلە جەڭىس قىزىنا بۇيىردى.
ال 3-ورىن قاراعاندى قالاسىنىڭ پ ب ورتالىق پ ب ىشكى جانە سىرتقى كوممۋنيكاتسيالار توبىنىڭ جەتەكشى مامانى گۇلنازيا قۇرالبەككە بۇيىردى.
بارلىق قاتىسۋشىلار العىس حاتتارمەن ماراپاتتالدى.