+7 (701) 759 90 19
22 °С : نۇر-سۇلتان
26 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

كوروناۆيرۋس تاعى ەكى ەلگە جەتتى. قايتىس بولعانداردىڭ سانى ۇلعايدى

26 اقپان 10:57
:ءبولىسۋ
كوروناۆيرۋس تاعى ەكى ەلگە جەتتى. قايتىس بولعانداردىڭ سانى ۇلعايدى

نۇر-سۇلتان. قازاقپارات – 25-اقپانداعى جاعداي بويىنشا، كوروناۆيرۋس شۆەيتساريا مەن الجيردە انىقتالدى، - دەپ حابارلايدى ريا نوۆوستي.

«كوروناۆيرۋستىڭ العاشقى بەلگىلەرى راستالدى»، - دەپ مالىمدەدى شۆەيتساريالىق دەنساۋلىق ساقتاۋ مينيسترلىگى Twitter جەلىسىندەگى پاراقشاسىندا. Blick باسىلىمىنىڭ مالىمەتىنشە، ناۋقاس يتاليامەن شەكارالاس ورنالاسقان تيچينو ايماعىندا انىقتالعان.

COVID-19 تىركەلگەنى تۋرالى ءالجيردىڭ دەنساۋلىق ساقتاۋ ءمينيسترى ابدۋرراحمان بەن بۋزەيد حابارلاعان. ونىڭ سوزىنشە، كوروناۆيرۋس 17-اقپاندا ەلگە كەلگەن يتاليا ازاماتىنان انىقتالعان.

«ناۋقاسقا مەديتسينالىق كومەك كورسەتىلىپ جاتىر، ول كارانتينگە جاتقىزىلدى»، - دەدى مينيستر.

Pais باسىلىمىنىڭ مالىمەتىنشە، كاتالونيادا دا كوروناۆيرۋس انىقتالعان. سونىمەن قاتار، تەنەريفە ارالدارىندا دا ۆيرۋس تاراعانى ءمالىم بولدى. ءسويتىپ، جالپى يسپانيادا بەس ادام كوروناۆيرۋس جۇقتىرعان.

سونداي-اق، ۆيرۋس گەرمانيادا دا انىقتالعان. گەرمانيادا كوروناۆيرۋس جۇقتىرعانداردىڭ جالپى سانى - 18. ال يتاليادا كوروناۆيرۋستان قايتىس بولعانداردىڭ سانى 10-عا جەتىپ، 322 ادام اۋرۋحاناعا جاتقىزىلعان. ۆيرۋس كوبىنە لومبارديا وبلىسىندا انىقتالعان. كوروناۆيرۋستان قايتىس بولعانداردىڭ كوبى ەگدە جاستاعى ادامدار.

سوڭعى مالىمەتتەر بويىنشا، وڭتۇستىك كورەيادا تاعى 169 ادام كوروناۆيرۋس جۇقتىرىپ، ءبىر ادام قايتىس بولعان. ەلدە ۆيرۋس جۇقتىرعانداردىڭ جالپى سانى - 1149 بولسا، قايتىس بولعانداردىڭ سانى - 11.

ەسكە سالايىق، قىتاي بيلىگى 2019 -جىلى 31-جەلتوقساندا دۇنيەجۇزىلىك دەنساۋلىق ساقتاۋ ۇيىمىن ۋحانداعى بەلگىسىز پنيەۆمونيانىڭ بەلەڭ الۋى تۋرالى حاباردار ەتتى. ماماندار اۋرۋدىڭ قوزدىرعىشتارىن انىقتادى - بۇل جاڭا كوروناۆيرۋس. دۇنيەجۇزىلىك دەنساۋلىق ساقتاۋ ۇيىمى حالىقارالىق ماڭىزى بار توتەنشە جاعداي دەپ تانىپ، اۋرۋعا رەسمي اتاۋ بەردى - COVID-19.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات