+7 (701) 759 90 19
0 °С : نۇر-سۇلتان
8 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

جامبىل تۇرعىنى جەمىستەردەن چيپسى دايىندايدى

26 اقپان 09:25
:ءبولىسۋ
جامبىل تۇرعىنى جەمىستەردەن چيپسى دايىندايدى

تاراز. قازاقپارات - «بيزنەس باستاۋ» جوباسى اياسىندا وقىعان گۇلفايرۋز راحمەتوۆا جەمىستەن جاسالاتىن چيپسىلەر ءوندىرىسىن قولعا الدى، دەپ حابارلايدى قازاقپارات.

بايزاق اۋدانىنىڭ قۇمجوتا اۋىلىندا تۇراتىن جاس كاسىپكەر 29 جاسقا دەيىنگى قايتارىمسىز گرانتتى جەڭىپ الىپ، مەملەكەت تاراپىنان بەرىلگەن 1,5 ميلليون تەڭگەگە يە بولعان. ول قارجىعا كوكونىستەردى كەپتىرەتىن اپپارات ساتىپ الىپ، قازىر ۇيىنەن ءتۇرلى جەمىستەردى كەپتىرىپ، چيپسىلەر شىعارۋدا.

جاس كاسىپكەر چيپسىلەردى الما، اپەلسين، كيۆي، اناناس سەكىلدى جەمىستەردەن جاسايدى. ەش قوسپاسىز، تابيعي ونىمدەردى وندىرۋدەگى ماقساتى - ءوزىن-ءوزى جۇمىسپەن قامتۋ ارقىلى وتاندىق كاسىپكەرلىكتى دامىتۋ.

گۇلفايرۋز الما جانە اپەلسين سەكىلدى جەمىستەردى بايزاق اۋدانىنان الىپ وتىرعانىن ايتادى. بۇگىندە تۇتىنۋشىلار تاراپىنان ءتۇسىپ جاتقان تاپسىرىستار سانى دا كۇن ساناپ ارتۋدا ەكەن.

«ەگەر وتاندىق ونىمگە دەگەن سۇرانىس جاقسى بولسا، ءبىر كۇندە 200 قوراپقا دەيىن چيپسى شىعارىپ بەرۋگە دايىنمىن. بۇل ءونىم اسىرەسە ديەتا ۇستايتىن ازاماتتار مەن بالالارعا وتە پايدالى. ەشقانداي حيميالىق قوسپاسى جوق، تازا ءونىم»، - دەيدى جاس كاسىپكەر.

ول شىعارعان ونىمدەرىن ازىرگە Instagram الەۋمەتتىك جەلىسى ارقىلى جارنامالاپ ساتۋدا. الداعى ۋاقىتتا اۋدان، وبلىس ورتالىعىنداعى ساۋدا ورىندارىمەن كەلىسىپ، ءونىمىن كەڭىنەن تاراتۋعا نيەتتى.

مەملەكەتتىڭ قولداۋىن كورىپ وتىرعان گۇلفايرۋز راحمەتوۆا ەندى وڭىردە وتاندىق ونىمدەر توپتاستىرىلعان دۇكەندەر جەلىسى قۇرىلسا ەكەن دەپ تىلەيدى. سول ارقىلى وزىمىزدەن شىعاتىن ونىمدەر ءبىر جەردە ساتىلىپ، حالىقتىڭ دا سۇرانىسىنا يە بولار ەدى دەگەن ويدا.

«چيپسىلەر 35-50 گرامدىق قالتاشاعا سالىنعان، باعاسى دا قولجەتىمدى. ءبىر قالتاشاعا جۇقالاپ تىلىنگەن 3-4 جەمىس سىيىپ كەتەدى. بۇل دەگەنىڭىز، ءبىر بالا مۋلت فيلم كورىپ وتىرىپ-اق، سول مولشەردەگى ۆيتاميندەردى بويىنا سىڭىرە الادى دەگەن ءسوز. ال 3-4 المانى ولارعا ءبىر كۇندە جەگىزە الۋىمىز ەكىتالاي»، - دەيدى گ. راحمەتوۆا.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات