سوزاقتا كاسىپكەر كوپبالالى وتباسىعا باسپانا تارتۋ ەتتى
قۇمكەنت اۋىلدىق وكرۋگىنىڭ تۇرعىنى شەگەباي مەدەۋباي ۇلى بۇعان دەيىن التى بالاسىمەن جۇپىنى ءۇيدى پانالاپ كەلگەن. وسىنى ەسكەرگەن اۋدان اكىمدىگى «قامقورلىق» جوباسى اياسىندا دەمەۋشى تاۋىپ، جانۇيانىڭ باسپانالى بولۋىنا قولعابىس ەتتى. ىسكەر ازامات كولەمى 120 شارشى مەتر بولاتىن التى بولمەلى ءۇي الىپ بەرىپ، مۇقتاج جاندى قۋانتتى. كاسىپكەر سارىبايەۆتار وتباسىنا وسىلايشا دەمەۋشىلىك تانىتىپ، قولداۋ كورسەتتى.
ايتا كەتۋ كەرەك، تۇركىستان وبلىسىندا «Nur Otan» پارتياسى فيليالىنىڭ باستاماسىمەن ىسكە اسىپ جاتقان «قامقورلىق» اكسياسى اياسىندا سوزاق اۋدانىنان 67 وتباسى بەكىتىلگەن. ولار ازىق-تۇلىكپەن قامتاماسىز ەتىلىپ، قاجەتتى كومەكتەر كورسەتىلىپ كەلەدى. اۋدان كولەمىندە تۇرمىسى تومەن وتباسىلارعا كومەك كورسەتۋ، تىزىمدەگى وتباسىلاردى ۇيمەن قامتاماسىز ەتۋ الداعى ۋاقىتتا دا جالعاسىن تابادى.