اسقار مامين وزبەكستان پرەزيدەنتىمەن كەزدەستى

تاشكەنت. قازاقپارات - بۇگىن تاشكەنت قالاسىندا ق ر پرەمەر-ءمينيسترى اسقار مامين وزبەكستان پرەزيدەنتى شاۆكات ميرزيەيەۆپەن كەزدەستى.

بۇل تۋرالى قازاقپارات primeminister.kz سىلتەمە جاساپ حابارلايدى.

«ق ر تۇڭعىش پرەزيدەنتى - ەلباسى نۇرسۇلتان نازاربايەۆ سىزبەن بىرگە قازاقستان مەن وزبەكستان اراسىنداعى ەكىجاقتى قارىم-قاتىناستى ستراتەگيالىق ىنتىماقتاستىقتىڭ جاڭا دەڭگەيىنە شىعارۋدىڭ نەگىزىن قالادى. مەملەكەت باسشىسى قاسىم-جومارت توقايەۆ ساباقتاستىقتى سىرتقى ساياساتتىڭ نەگىزگى قاعيداتى رەتىندە قۇپتاي وتىرىپ، وزبەكستان رەسپۋبليكاسىمەن ءوزارا ءتيىمدى ءارى ۇزاق مەرزىمدى ىنتىماقتاستىقتى دامىتۋعا ەرەكشە كوڭىل بولەدى»، - دەدى ا. مامين.

ق ر پرەمەر-ءمينيسترى ەكىجاقتى ىنتىماقتاستىقتىڭ جوعارى قارقىنىن اتاپ ءوتتى.

وزبەكستان - قازاقستاننىڭ ايماقتاعى اسا ماڭىزدى ساۋدا سەرىكتەسى. 2019 -جىلدىڭ قورىتىندىسى بويىنشا ەكىجاقتى ساۋدا كولەمى $4,1 ميلليارد جەتتى. 2020 -جىلدىڭ سوڭىنا دەيىن تاۋار اينالىمىن $5 ميلليارد دەيىن جەتكىزۋ جوسپارلانىپ وتىر. بۇگىنگى تاڭدا قازاقستان مەن وزبەكستاندا 3 مىڭنان استام بىرلەسكەن كاسىپورىن جۇمىس ىستەيدى.

كەلىسسوز بارىسىندا ساۋدا- ەكونوميكالىق، ينۆەستيتسيالىق، سۋ- ەنەرگەتيكالىق، ترانزيتتىك- كولىكتىك، قۇرىلىس، اۋىل شارۋاشىلىعى، توقىما، اۆتوموبيل جاساۋ، مادەني- گۋمانيتارلىق، تۋريستىك، ەكولوگيالىق جانە باسقا دا سالالارداعى ىنتىماقتاستىقتى ودان ءارى دامىتۋدىڭ اۋقىمدى ماسەلەلەرى تالقىلاندى.

تاراپتار قازاقستان مەن وزبەكستاننىڭ ستراتەگيالىق سەرىكتەستىكتى كەڭەيتۋگە جانە نىعايتۋعا دەگەن ۇزدىكسىز ۇمتىلىسى ەكى ەلدىڭ ايماقارالىق ىنتىماقتاستىق فورۋمىن وتكىزۋ تاجىريبەسىنەن كورىنىس بەرگەنىن اتاپ ءوتتى.

ق ر مەن ءور ايماقارالىق ىنتىماقتاستىعىنىڭ I فورۋمى 2018 -جىلعى 16-قاراشادا شىمكەنت قالاسىندا ءوتتى.

بيىلعى 26-اقپاندا قازاقستان رەسپۋبليكاسى مەن وزبەكستان رەسپۋبليكاسىنىڭ ايماقارالىق ىنتىماقتاستىعىنىڭ II فورۋمى حورەزم وبلىسىنىڭ ۇرگەنىش قالاسىندا «اگروونەركاسىپتىك كووپەراتسيا، ونەركاسىپ جانە تۋريزم سالاسىنداعى ايماقتىق بيزنەستىڭ ىنتىماقتاستىعى» تاقىرىبىندا وتەدى.

ءىس-شاراعا 300-دەن استام ادام – ق ر پرەمەر-ءمينيسترى ا. مامين مەن ءور پرەمەر- ءمينيسترى ا. اريپوۆ، مەملەكەتتىك ورگانداردىڭ، وڭىرلەردىڭ باسشىلارى، سونداي-اق ەكى ەلدىڭ ىسكەرلىك ورتالارىنىڭ وكىلدەرى قاتىسادى. فورۋم قورىتىندىسى بويىنشا ايماقارالىق جانە كوممەرتسيالىق سيپاتتاعى 40 تان استام كەلىسىمگە قول قويۋ جوسپارلانۋدا.