ەلباسى جانسەيىت تۇيمەبايەۆقا ءبىرقاتار تاپسىرما بەردى
كەزدەسۋ بارىسىندا ەلباسىنا قازاقستان حالقى اسسامبلەياسىنىڭ جانە وڭىرلىك دوستىق ۇيلەرىنىڭ جۇمىس جوسپارىنىڭ ورىندالۋى تۋرالى اقپارات ۇسىنىلدى.
«1995 -جىلى ءبىز كوپ ۇلتتى مەملەكەتىمىزدىڭ بارلىق ازاماتتارىنىڭ قۇقىقتارىن قورعاۋ ءۇشىن قازاقستان حالقى اسسامبلەياسىن قۇردىق. كەيىن اسسامبلەيا كونستيتۋتسيالىق ورگانعا اينالدى. تاۋەلسىزدىكتىڭ العاشقى كۇندەرىنەن باستاپ ءبىز ۇنەمى ەلىمىزدەگى بارلىق ەتنوس وكىلدەرىنىڭ تەڭدىگىن قامتاماسىز ەتتىك»، - دەدى قازاقستاننىڭ تۇڭعىش پرەزيدەنتى.
ەلباسى قازاقستان حالقى اسسامبلەياسىنىڭ اپپاراتى مادەني جانە ويىن- ساۋىق ءىس- شارالارعا ەمەس، ەڭ الدىمەن ساراپتامالىق جۇمىستارعا باسا ءمان بەرۋى كەرەكتىگىن اتاپ ءوتتى.
«ءبىز 30 جىلدىڭ ىشىندە قازاقستاندىقتاردىڭ بىرلىگى مەن تۇتاستىعىنىڭ ارقاسىندا بۇگىنگى جەتىستىكتەرگە قول جەتكىزدىك. كوپۇلتتى مەملەكەت بولۋىمىز - ءبىزدىڭ ارتىقشىلىعىمىز»، - دەدى قازاقستان حالقى اسسامبلەياسىنىڭ ءتوراعاسى.
نۇرسۇلتان نازاربايەۆ قازاقستان حالقى اسسامبلەياسى اپپاراتى مەن وڭىرلىك وكىلدىكتەرىنىڭ قىزمەتىن جانداندىرۋ ءۇشىن اۋديت وتكىزۋدى تاپسىردى.
ءوز كەزەگىندە، ج. تۇيمەبايەۆ اسسامبلەيانىڭ عىلىمي- ساراپتامالىق قىزمەتىن كۇشەيتۋ جانە ەتنوسارالىق قاتىناستار سالاسىندا زەرتتەۋلەر جۇرگىزۋ بويىنشا قابىلدانعان شارالار تۋرالى باياندادى.
كەزدەسۋ سوڭىندا قازاقستاننىڭ تۇڭعىش پرەزيدەنتى ءبىرقاتار ناقتى تاپسىرما بەردى.