+7 (701) 759 90 19
34 °С : نۇر-سۇلتان
32 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

قاسىم- جومارت توقايەۆ اكىمدەردىڭ حالىققا ەسەپ بەرۋ كەزدەسۋلەرىنىڭ جاڭا ءتارتىبىن بەكىتتى

25 اقپان 18:58
:ءبولىسۋ
قاسىم- جومارت توقايەۆ اكىمدەردىڭ حالىققا ەسەپ بەرۋ كەزدەسۋلەرىنىڭ جاڭا ءتارتىبىن بەكىتتى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ورتالىق اتقارۋشى ورگاندار باسشىلارى مەن اكىمدەردىڭ حالىققا ەسەپ بەرۋ كەزدەسۋلەرىن وتكىزۋدىڭ جاڭا ءتارتىبىن بەكىتتى، دەپ حابارلايدى قازاقپارات.

پرەزيدەنتتىڭ باسپا ءسوز حاتشىسى بەرىك ءۋالي اتاپ وتكەندەي، بۇدان بىلاي مينيسترلەر مەن اكىمدەر حالىققا ەسەپ بەرۋ كەزدەسۋلەرىن بەينەكونفەرەنسيا بايلانىسىن پايدالانىپ، الەۋمەتتىك جەلىلەردەگى رەسمي اككاۋنتتاردا جانە اقپاراتتىق ينتەرنەت- رەسۋرستاردا ونلاين- ترانسلياتسيا ۇيىمداستىرا وتىرىپ وتكىزەتىن بولادى. بارلىق دەڭگەيدەگى اكىمدەر ەسەپ بەرۋ كەزدەسۋىن وتكىزەردەن ءبىر كۇن بۇرىن جانە ودان كەيىن ازاماتتاردى جەكە قابىلداۋلارى كەرەك.

اقوردا سايتىنا جاريالانعان قاۋلىنىڭ تولىق ءماتىنىن ۇسىنامىز.

«ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» قازاقستان رەسپۋبليكاسى پرەزيدەنتىنىڭ 2016 -جىلعى 5 - اقپانداعى № 190 جارلىعىنا وزگەرىستەر ەنگىزۋ تۋرالى

قاۋلى ەتەمىن:

1. «ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» قازاقستان رەسپۋبليكاسى پرەزيدەنتىنىڭ 2016 -جىلعى 5 - اقپانداعى № 190 جارلىعىنا (قازاقستان رەسپۋبليكاسىنىڭ پ ۇ ا ج- ى، 2016 ج. , № 14, 53-قۇجات) مىناداي وزگەرىستەر ەنگىزىلسىن:

1 - جانە 2-تارماقتار مىناداي رەداكسيادا جازىلسىن:

«1. ورتالىق اتقارۋشى ورگانداردىڭ (قازاقستان رەسپۋبليكاسىنىڭ قورعانىس، سىرتقى ىستەر مينيسترلىكتەرىن قوسپاعاندا) باسشىلارى جىل سايىن ەكىنشى توقسان ىشىندە وڭىرلەرمەن بەينەكونفەرەنتسبايلانىسىن، الەۋمەتتىك جەلىلەردەگى رەسمي اككاۋنتتاردا جانە بۇقارالىق اقپارات قۇرالدارى سالاسىنداعى ۋاكىلەتتى ورگان ايقىندايتىن اقپاراتتىق ينتەرنەت- رەسۋرستا ونلاين- ترانسلياتسيا ۇيىمداستىرا وتىرىپ، جۇرتشىلىق وكىلدەرىمەن ەسەپ بەرۋ كەزدەسۋلەرىن وتكىزسىن، ولاردىڭ بارىسىندا ەلدە ىسكە اسىرىلىپ جاتقان رەفورمالار، الەۋمەتتىك- ەكونوميكالىق دامۋ، ستراتەگيالىق جوسپارلاردىڭ ءتۇيىندى كورسەتكىشتەرىنە قول جەتكىزۋ مەن ءتيىستى سالالاردى دامىتۋ جونىندەگى مىندەتتەر، ولاردىڭ پروبلەمالارى مەن شەشۋ جولدارى تۋرالى حاباردار ەتسىن.

2. بارلىق دەڭگەيدەگى اكىمدەر جىل سايىن ءبىرىنشى توقسان ىشىندە حالىققا ەسەپ بەرۋ كەزدەسۋلەرىن وتكىزسىن، ولاردىڭ بارىسىندا ەلدە ىسكە اسىرىلىپ جاتقان رەفورمالار، ءوڭىردى ودان ءارى دامىتۋدىڭ مىندەتتەرى مەن نەگىزگى باعىتتارى، پروبلەمالىق ماسەلەلەر جانە ولاردى شەشۋ بويىنشا جوسپارلار تۋرالى حاباردار ەتسىن.

ەسەپ بەرۋ كەزدەسۋى الەۋمەتتىك جەلىلەردەگى رەسمي اككاۋنتتاردا ونلاين- ترانسلياتسيا جانە اۋدان ورتالىقتارىمەن جانە باسقا دا ەلدى مەكەندەرمەن بەينەكونفەرەنسبايلانىسىن (تەحنيكالىق مۇمكىندىكتەردى ەسكەرە وتىرىپ) ۇيىمداستىرىلا وتىرىپ وتكىزىلەدى.

ەسەپ بەرۋ كەزدەسۋى وتكىزىلۋىنەن ءبىر كۇن بۇرىن جانە ەسەپ بەرۋ كەزدەسۋى وتكىزىلگەننەن كەيىن ازاماتتاردى جەكە قابىلداۋ وتكىزىلەدى.

ەسەپ بەرۋ كەزدەسۋى وتكىزىلگەنگە دەيىن ءماسليحاتتار دەپۋتاتتارىن، جۇرتشىلىق، بيزنەس جانە بۇقارالىق اقپارات قۇرالدارىنىڭ وكىلدەرىن تارتا وتىرىپ، ءتيىستى قوعامدىق كەڭەستەردىڭ وتىرىستارىندا وبلىستار، قالالار جانە اۋداندار اكىمدەرىنىڭ ەسەپتەرىن تىڭداۋ وتكىزىلسىن، ولاردىڭ بارىسىندا اكىم ءتيىستى اكىمشىلىك- اۋماقتىق بىرلىكتىڭ وتكەن جىلداعى الەۋمەتتىك- ەكونوميكالىق دامۋى، اۋماقتاردى دامىتۋ باعدارلامالارىنىڭ ءتۇيىندى كورسەتكىشتەرىنە قول جەتكىزۋ، ءوڭىردى ودان ءارى دامىتۋدىڭ مىندەتتەرى مەن نەگىزگى باعىتتارى، ءوڭىردىڭ الەۋمەتتىك- ەكونوميكالىق دامۋ باسىمدىقتارىن ايقىنداۋ بولىگىندە جەرگىلىكتى بيۋدجەتتەردىڭ جوبالارىن قالىپتاستىرۋ پروتسەسى تۋرالى حاباردار ەتەدى. « ؛

5-تارماقتىڭ 1) تارماقشاسى مىناداي رەداكسيادا جازىلسىن:

«1) ەسەپ بەرۋ كەزدەسۋلەرى وتەتىن كۇننەن ءبىر اي بۇرىن ورتالىق جانە وڭىرلىك باسپا بۇقارالىق اقپارات قۇرالدارىندا، رەسمي ينتەرنەت- رەسۋرستاردا جانە «ەلەكتروندىق ۇكىمەتتىڭ» ۆەب- پورتالىندا، ونىڭ ىشىندە اشىق دەرەكتەردىڭ ينتەرنەت- پورتالىندا، سونداي- اق الەۋمەتتىك جەلىلەردەگى ورتالىق اتقارۋشى ورگانداردىڭ، اكىمدىكتەردىڭ رەسمي اككاۋنتتارىندا جانە مينيسترلەر مەن اكىمدەردىڭ جەكە اككاۋنتتارىندا ەسەپ بەرۋ كەزدەسۋلەرىن وتكىزۋ كەستەلەرىن جانە الداعى ەسەپ بەرۋگە حالىقتىڭ سۇراقتارى مەن ۇسىنىستارىن جولداۋ تاسىلدەرى تۋرالى اقپاراتتى جاريالاسىن؛ « ؛

6, 7-تارماقتار مىناداي رەداكسيادا جازىلسىن:

«6. ەسەپ بەرۋ كەزدەسۋلەرى جانە ازاماتتاردى قابىلداۋ اياقتالعان كۇننەن باستاپ كۇنتىزبەلىك ون كۇننەن كەشىكتىرمەي ەسەپتەردى جانە ولاردى شەشۋ بويىنشا ءتيىستى شارالار قابىلداۋ مەرزىمدەرىن كورسەتە وتىرىپ، ەسەپ بەرۋ كەزدەسۋلەرىندە حالىق كوتەرگەن پروبلەمالىق ماسەلەلەر تىزبەسىن:

ورتالىق اتقارۋشى ورگانداردىڭ باسشىلارى جانە وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ، اۋدانداردىڭ، وبلىستىق ماڭىزى بار قالالاردىڭ، قالاداعى اۋدانداردىڭ اكىمدەرى ءتيىستى مەملەكەتتىك ورگاننىڭ رەسمي ينتەرنەت- رەسۋرستارىندا؛

اۋداندىق ماڭىزى بار قالالاردىڭ، اۋىلدىق وكرۋگتەردىڭ، كەنتتەر مەن اۋىلداردىڭ اكىمدەرى بۇقارالىق اقپارات قۇرالدارىندا جانە بار بولعان جاعدايدا اكىمدەر اپپاراتتارىنىڭ رەسمي ينتەرنەت- رەسۋرستارىندا ورنالاستىرۋدى قامتاماسىز ەتسىن.

7. ەسەپ بەرۋ كەزدەسۋلەرىندە حالىق كوتەرگەن پروبلەمالىق ماسەلەلەردىڭ شەشىلۋ بارىسى (پروبلەمالىق ماسەلەلەر، ورىندالۋ بارىسى) تۋرالى اقپارات توقسان سايىن، ەسەپتى كەزەڭنەن كەيىنگى ايدىڭ ونىنشى كۇنىنە قاراي ورتالىق اتقارۋشى ورگانداردىڭ جانە وبلىستار، رەسپۋبليكالىق ماڭىزى بار قالالار، استانا، اۋداندار، وبلىستىق ماڭىزى بار قالالار، قالاداعى اۋداندار اكىمدەرىنىڭ، اۋداندىق ماڭىزى بار قالالاردىڭ، اۋىلدىق وكرۋگتەر، كەنتتەر جانە اۋىلدار اكىمدىكتەرى اپپاراتتارىنىڭ ينتەرنەت- رەسۋرستارىندا ورنالاستىرىلسىن. قالاداعى اۋداندار اكىمدىكتەرىنىڭ، اۋداندىق ماڭىزى بار قالالار، اۋىلدىق وكرۋگتەر، كەنتتەر جانە اۋىلدار اكىمدەرى اپپاراتتارىنىڭ ينتەرنەت- رەسۋرسى بولماعان جاعدايدا پروبلەمالىق ماسەلەردى شەشۋ بارىسى تۋرالى اقپارات جەرگىلىكتى باسپا باسىلىمدارىندا جاريالانسىن. « ؛

12-تارماقتىڭ 4) تارماقشاسى الىپ تاستالسىن؛

12-تارماقتىڭ 5) تارماقشاسى مىناداي رەداكسيادا جازىلسىن:

«5) ورتالىق اتقارۋشى ورگانداردىڭ، ۇلتتىق حولدينگتەر مەن كومپانيالاردىڭ رەسمي ينتەرنەت- رەسۋرستارىندا اكىمدەردىڭ حالىققا ەسەپ بەرۋ كەزدەسۋلەرىنىڭ قورىتىندىسى بويىنشا حالىق كوتەرگەن ماسەلەلەردىڭ قاتارىنان ءوز قۇزىرەتىنە كىرەتىن پروبلەمالىق ماسەلەلەردىڭ تىزبەسىن توقسان سايىن وزەكتىلەندىرە وتىرىپ ورنالاستىرۋىن؛ « .

2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر- سۇلتان، اقوردا، 2020 -جىلعى 24 - اقپان

№ 272


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات