19:28, 25 - اقپان 2020 | GMT +6
يران دەنساۋلىق ساقتاۋ ءمينيسترىنىڭ ورىنباسارى كوروناۆيرۋس جۇقتىردى
تەگران. يرنا - قازاقپارات - يران دەنساۋلىق ساقتاۋ ءمينيسترىنىڭ ورىنباسارى يرادج حاريرچي كوروناۆيرۋس جۇقتىرعانى بەلگىلى بولدى، دەپ حابارلايدى قازاقپارات يرنا اگەنتتىگىنە سىلتەمە جاساپ.
«كوروناۆيرۋس جۇقتىرعانىمدى حابارلاعىم كەلەدى. كەشەدەن بەرى قىزۋىم كوتەرىلدى، العاشقى ساراپتاما وڭ ناتيجە كورسەتتى»، - دەپ مالىمدەدى حاريرچي سەيسەنبى كۇنى. ول ەمدەلۋدى باستاعانىن جانە قىزۋىنىڭ ءتۇسىپ جاتقانىن اتاپ ءوتتى.
سونداي- اق، يران دەنساۋلىق ساقتاۋ مينيسترلىگىنىڭ وكىلى كيانۋش دجاحانپۋر كوروناۆيرۋستىڭ جاڭا تۇرىنەن كوز جۇمعاندار سانى 15 كە جەتىپ، تاعى 35 ىندەت جۇقتىرعان ادام تىركەلگەنىن حابارلادى.