ق ر پرەزيدەنتىنە قاراعاندى وبلىسىندا تۋريزمدى دامىتۋ پەرسپەكتيۆالارى باياندالدى
قازاقستان پرەزيدەنتىنە ءوڭىردىڭ نەگىزگى الەۋمەتتىك- ەكونوميكالىق كورسەتكىشتەرى، سونىڭ ىشىندە ونەركاسىپ، اۋىل شارۋاشىلىعى جانە قۇرىلىس سالالارىنداعى ءوندىرىستىڭ ءوسىمى جونىندە ەسەپ بەرىلدى.
قاسىم- جومارت توقايەۆ وبلىستاعى تۇرعىن ءۇي قۇرىلىسىنىڭ قارقىنىن ارتتىرۋ، سونىڭ ىشىندە كوپبالالى وتباسىلاردى باسپانامەن قامتاماسىز ەتۋ قاجەتتىگىنە نازار اۋداردى.
مەملەكەت باسشىسى اتاۋلى الەۋمەتتىك كومەكتى بەلگىلى ءبىر ساناتتاعى ازاماتتارعا بەرۋدىڭ، سونداي- اق، اتاۋلى الەۋمەتتىك كومەك الاتىن ەڭبەككە جارامدى ادامداردى جۇمىسپەن قامتۋدىڭ ماڭىزدىلىعىن اتاپ ءوتتى.
جەڭىس قاسىمبەك تۋريستىك كلاستەر قالىپتاستىرۋدىڭ پەرسپەكتيۆالارى جانە ۇلىتاۋ اۋدانىندا قاجەتتى جول ينفراقۇرىلىمى، سونداي- اق، بالقاش كولى ايماعى مەن قارقارالى اۋدانىندا تۋريزم سالاسىن جاڭعىرتۋ تۋرالى باياندادى.
پرەزيدەنت قاراعاندى وبلىسىنداعى كوكتەمگى سۋ تاسقىنى جاعدايىن مۇقيات باقىلاۋعا الىپ، توتەنشە جاعدايدىڭ الدىن الۋ ءۇشىن قاجەتتى دايىندىق شارالارىن جۇرگىزۋدى تاپسىردى.