+7 (701) 759 90 19
2 °С : نۇر-سۇلتان
10 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

ءۇندى كينوكومپانياسى ەلىمىزدە كوركەم فيلم ءتۇسىرىپ جاتىر

25 اقپان 20:42
:ءبولىسۋ
ءۇندى كينوكومپانياسى ەلىمىزدە كوركەم فيلم ءتۇسىرىپ جاتىر

نۇر-سۇلتان. قازاقپارات - ءۇندىستاننىڭ كينوكومپانياسى ەلىمىزدە تولىق مەتراجدى فيلم ءتۇسىرىپ جاتىر. «جالىندى قاناتتار» دەپ اتالاتىن كينونىڭ ءبىر بولىگى الماتىدا تاسپالانعان.

ءتۇسىرىلىم جۇمىستارى بۇگىن ەلوردادا «حابار» اگەنتتىگىنىڭ ستۋدياسىندا جالعاستى. سونىمەن فيلم نە جايىندا؟ رولدەردى كىمدەر سومدايدى؟

«جالىندى قاناتتاردىڭ» كەي بولىگى جەنيەۆا مەن سانكت- پەرەبۋرگتە تۇسىرىلگەن. كۇنى كەشە الماتىدا دا تاسپالاندى. فيلمدەگى قاۋىپتى تريۋكتەردى ءوزىمىزدىڭ كاسكادەرلەر ورىنداعان. ءتۇسىرىلىم جۇمىستارى ۇلكەن الماتى كولىندە، مەدەۋ، شىمبۇلاق، ءۇشقوڭىردا جۇرگىزىلدى.

كينوكومپانيا وكىلدەرى مەن ارتيستەر بۇگىن ەلورداداعى قازمەديا ورتالىعىنا كەلدى. ءتۇسىرىلىم جۇمىستارى «حابار» اگەنتتىگىنىڭ جاڭالىقتار ستۋدياسىندا جالعاستى. فيلمنىڭ جانرى ەكشن. رەجيسسەرى ناۆين موحاممەد الي. كينودا ايگىلى ارۋن مەن ەنتوني ۆيدجايلار، ءتىپتى اتى اڭىزعا اينالعان ءۇندىستاندىق اكتەر كامال حاساننىڭ قىزى اكشارا حاسان وينايدى.

تحيرۋناۆۋكاراسۋ سيۆالينگام، فيلمنىڭ پروديۋسەرى /ءۇندىستان/:

- فيلم جەلىسى بويىنشا باستى ءرولدى سومدايتىن قىزدىڭ اكەسى ءۇندىستاننان. اناسى قازاقستاننان بولادى. سوندىقتان دا كينونى وسى جاقتا ءتۇسىرىپ جاتىرمىز. ونىڭ ۇستىنە ءبىزدىڭ ەلدەگى تەلەارنالاردىڭ ستۋديالارى ءدال سىزدەردىكىندەي كامەرا، قۇرالدارمەن قامتاماسىز ەتىلمەگەن. ال قازاقستاندىق ارىپتەسىمىز مايرا كارساقبايەۆا بىزگە «حاباردىڭ» دامىعان، الەۋەتتى اگەنتتىك ەكەنىن ايتتى. ياعني بۇل كينومىزعا سالماق بەرەدى. بۇدان بولەك تابيعاتىن كورىپ الماتىعا قاتتى عاشىق بولدىم. تاۋ دا، كول دە جەتەدى. سوندىقتان ەلدەرىڭىزدە ءتۇسىرىلىم جاساۋدى ءجون سانادىق. رەتى بويىنشا بۇل ءبىزدىڭ 23- فيلمىمىز. ءتۇسىرىلىم جۇمىستارىمەن بىزگە قازاقستاندىق كينوكومپانيا كومەكتەسىپ جاتىر.

مايرا قارساقبايەۆا، كينوكومپانيا ديرەكتورى /قازاقستان/:

- ەرلان بەكقوجينمەن كەزدەستىك. سول كىسى قولدادى. «حابار» «حابار» بولىپ قالادى. «شىمبۇلاق» «شىمبۇلاق» بولىپ قالادى. كينونىڭ ىشىندە. ەندى كەلەسى ويىمىز «استانا وپەرادا» ءتۇسىرۋ. تۇسىرىلىمىندە بولليۆۋدتىڭ وكىلدەرى جۇرگەن فيلم 130 مينۋتتان تۇرادى. كينونىڭ پرەمەراسى الداعى ماۋسىم ايىندا بولماق. قازاق تىلىندە سۋبتيترمەن دە شىعادى. ءتىپتى دۋبلياج جاسالىپ، قازاقستاندىق ارنالارعا بەرىلۋى دە مۇمكىن.

اتاپ وتەيىك، ءۇندىستان - كينونىڭ دامىعان جەرى. ماسەلەن، تەك 2018 -جىلدىڭ وزىندە بولليۆۋد 1800 فيلم تۇسىرگەن. ال بۇل باعىتتا گولليۆۋدتىڭ جىلدىق كولەمى 500 كينو. ياعني سۇرانىس كوپ. سۇرانىس بولعان سوڭ قازاقستاندا تۇسىرىلگەن فيلم دە كەڭىنەن تارالادى دەيدى ماماندار.

www.24.kz



باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات