باسپەن دوپ ويناۋ قاۋىپتى - زەرتتەۋشىلەر

نۇر-سۇلتان. قازاقپارات - ۇلى بريتانيادا جاس فۋتبولشىلارعا دوپتى باستارىمەن سوعۋعا تىيىم سالىنادى.

انگليا، شوتلانديا جانە سولتۇستىك يرلانديا فۋتبول قاۋىمداستىقتارى جاڭا ەرەجەلەر قابىلدادى، وعان سايكەس جاس بالالار ەندى دوپتى باسىمەن ويناپ جاتتىقپايدى، دەپ حابارلادى bbc.com.

جاقىندا گلازگو ۋنيۆەرسيتەتىنىڭ عالىمدارى فۋتبولشىلاردىڭ مي اۋرۋلارىنان قايتىس بولۋ ىقتيمالدىعى ورتاشا كورسەتكىشتەن ءۇش جارىم ەسە جوعارى ەكەنىن انىقتادى.

«جاڭا ەرەجەلەر جاتتىعۋ كەزىندە باستىڭ كوپ سوققى الۋىنان پايدا بولاتىن قاۋىپتەر ايتارلىقتاي ازايتۋعا كومەكتەسەدى»، - دەدى انگليا فۋتبول قاۋىمداستىعىنىڭ باسشىسى مارك بۋلينگەم.

عالىمداردىڭ ايتۋىنشا، دوپتى باسپەن سوعۋ ءتۇرلى اۋرۋلاردىڭ پايدا بولۋىنا اكەلىپ سوعۋى مۇمكىن. التسگەيمەر اۋرۋىمەن اۋىرۋ مۇمكىندىگى بەس ەسەگە، موتورلى نەيرون اۋرۋىنىڭ ىقتيمالدىعى ءتورت ەسە جانە پاركينسون اۋرۋىنىڭ ىقتيمالدىعى ەكى ەسە ارتۋى مۇمكىن.