+7 (701) 759 90 19
-21 °С : نۇر-سۇلتان
-9 °С : الماتى
USD 420.79 EUR 511.98
RUB 5.67 CNY 64.46
جاڭالىقتار

باس پروكۋراتۋرا قازاقستاندىقتاردى ساق بولۋعا شاقىردى

25 اقپان 20:04
:ءبولىسۋ
باس پروكۋراتۋرا قازاقستاندىقتاردى ساق بولۋعا شاقىردى

نۇر- سۇلتان. قازاقپارات - باس پروكۋراتۋرا الاياقتارعا سەنبەۋگە شاقىرادى، دەپ حابارلايدى قازاقپارات.

ق ر باس پروكۋراتۋراسىنىڭ باسپا ءسوز قىزمەتىنىڭ حابارلاۋىنشا، قازىرگى تاڭدا قۇقىق قورعاۋ ورگاندارىنا «گارانت 24 لومبارد» ، «ەSTATE لومبارد» ج ش س- نە جانە «نۋرالي كاپيتال» ، «ۆىگودنىي زايم» ميكروكرەديتتىك ۇيىمدارىنىڭ يەلەرى ازاماتتاردىڭ جىلجىمالى جانە جىلجىمايتىن مۇلىكتەرىن، اقشالاي قاراجاتتارىن زاڭسىز يەمدەنىپ الۋ ارەكەتتەرىنە قاتىستى ارىزدار تۇسۋدە.

اتالعان ۇيىمدارمەن 42 مىڭ كەلىسىمشارتقا وتىرعان 6 مىڭنان اسا ازامات جۇگىنگەن. پوليسيا ورگاندارى ولاردىڭ وتىنىشتەرى نەگىزىندە 22 قىلمىستىق ءىس بويىنشا سوتقا دەيىنگى تەرگەپ- تەكسەرۋدى باستادى. لومباردتاردىڭ 1 مەنەدجەرى مەن 12 فيليال ديرەكتورلارى جاۋاپكەرشىلىككە تارتىلۋدا.

تەرگەۋدىڭ وبەكتيۆتىلىگىن قامتاماسىز ەتۋ ءۇشىن پروتسەسسۋالدىق پروكۋرورلار بەكىتىلگەن.

الاياقتار ءوز ماقساتتارىنا جەتۋ ءۇشىن ءتۇرلى جارنامالاردى بەلسەندى تۇردە قولدانعانى، ولاردىڭ ىشىندە شوۋ- بيزنەس جۇلدىزدارى مەن تانىمال بلوگەرلەردى پايدالانعانى انىقتالدى.

سوتقا دەيىنگى تەرگەپ- تەكسەرۋ بارىسىندا جارناما جاساۋدى جۇزەگە اسىرعان جانە تاراتقان تۇلعالاردىڭ جاۋاپكەرشىلىگى قاراستىرىلىپ، ولاردىڭ ارەكەتتەرىنە قۇقىقتىق باعا بەرىلەتىن بولادى.

باس پروكۋراتۋرا ازاماتتارعا كىرىس كوزى دالەلدەنبەگەن قوماقتى قاراجاتقا قول جەتكىزۋ تۋرالى ۋادە ەتەتىن كۇماندى ۇيىمدارعا ءوز قاراجاتتارىن سەنىپ تاپسىرماۋعا شاقىرادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات