+7 (701) 759 90 19
-5 °С : نۇر-سۇلتان
4 °С : الماتى
USD 435.54 EUR 473.08
RUB 5.76 CNY 61.64
جاڭالىقتار

ناۋرىز ايىندا «باتىرلار» فيلمى كورەرمەنگە جول تارتادى

25 اقپان 17:49
:ءبولىسۋ
ناۋرىز ايىندا «باتىرلار» فيلمى كورەرمەنگە جول تارتادى

نۇر-سۇلتان. قازاقپارات – ناۋرىزدان باستاپ، ەلىمىزدىڭ كينوتەاترلارىندا «باتىرلار» تاريحي كوركەم فيلمى كورسەتىلە باستايدى. قاراساي، اعىنتاي جانە مەرگەن باتىرلادىڭ ەرلىكتەرىن دارىپتەيتىن فيلم «حابار» اگەنتتىگىنىڭ تاپسىرىسى بويىنشا قولعا الىنعان بولاتىن.

بۇل بەلگىلى ءانشى- كومپوزيتور قاپەز بايعابىل ۇلى انگە قوسقان ءۇش مەركىنىڭ ورتا مەركى جايلاۋى. «باتىرلار» فيلمى وسى وڭىردە، توعىزبۇلاق اۋىلىنىڭ ماڭىندا ءتۇسىرىلدى. بۇل كينوتۋىندىعا ارقاۋ بولعان جەتىسۋ ءوڭىرىن جوڭعار شاپقىنشىلىعىنان قورعاپ، جويقىن شايقاستا ەرلىگىمەن تاريحتا قالعان قاراساي، اعىنتاي جانە مەرگەن باتىر ءومىر سۇرگەن كەزەڭ. تۋىندىدا سونداي- اق ەل باسىنا كۇن تۋعان قيلى كەزەڭدەردەگى حالقىمىزدىڭ تاتۋلىعى مەن بىرلىگى باياندالادى.

اسقار ۇزابايەۆ، رەجيسسەر:

- ماتەريالدى تەرەڭىرەك زەرتتەپ، لوكاتسياعا قاجەتتى جەر ىزدەگەندە ەلىمىزدىڭ كەڭدىگى مەن ادەمىلىگىنە تاعى ءبىر كوز جەتكىزدىم. وسىنداي ۇلان- عايىر جەردى ۇستاپ تۇرعان حالقىمىز شىنىندا دا مىقتى عوي. تاريحي فيلم - قيىن جانر. وعان تىڭعىلىقتى دايىندىق قاجەت.

كورەرمەنگە 17-عاسىردا بولعان وقيعانى كوركەم تۋىندى ەتىپ جەتكىزۋ ءۇشىن اسقار ۇزابايەۆ كوپ ىزدەنگەنىن ايتادى. رەجيسسەر بۇل فيلمدە باستى رولدەرگە تانىمال اكتەرلەردى ەمەس، جاستاردى تارتىپتى. ال ولار وزدەرىنە ارتقان جاۋاپكەرشىلىكتى ابىرويمەن الىپ شىعۋعا تىرىستىق دەيدى.

نازار شارحان، اكتەر، قاراساي باتىر ءرولى:

- قاراساي بابامىزدىڭ ەرلىگىن، باتىلدىعىن كورسەتۋ بۇل دا ءبىر ەرلىككە ءتان ءىس بولىپ سانالادى دەپ ويلايمىن. ەندى اللا ءناسىپ ەتىپ ەتسە، وسى ءرولدى بارشا ىنتا- جىگەرىم مەن كۇشىمدى سالامىن.

ءاشىم احمەت، اكتەر:

- مەنىڭ بۇل جەردەگى ءرولىم اعىنتاي باتىر. تاريحتا قاراساي باتىر مەن اعىنتاي باتىر ەكەۋى دوس بولعان. ەكەۋى بەر جەردە جەرلەنگەن. ەكەۋى «وربۇلاق» شايقاسىندا بىرگە بولعان. ارعىننىڭ باتىرى اعىنتاي باتىردىڭ ءرولىن سومداپ شىقتىم.

نايزانىڭ ۇشىمەن، بىلەكتىڭ كۇشىمەن ەلىن قورعاعان باتىرلاردىڭ كەيپىندە از ۋاقىت بولۋدىڭ ءوزى قيىن بولدى. ال ول كىسىلەردىڭ كۇنى بويى زىلدەي تەمىر ساۋىتتى كيىپ ءجۇرىپ سوعىسۋى قانشالىقتى وڭاي ەمەستىگىن سەزىندىك، دەيدى جاس اكتەرلەر.

جەر ءجانناتى جەتىسۋدىڭ اسەم تابيعاتى مەن ۇلى دالانىڭ سەزىمتال حالقىنىڭ ىشكى جان- دۇنيەسى سۋرەتتەلگەن فيلم 12 - ناۋرىزدان باستاپ، ەلىمىزدىڭ كينوتەاترلارىندا كورسەتىلە باستايدى.

www.24.kz




باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات