جۇلدىزدار جىلاعان كۇن. الەم جۇرتشىلىعى كوبي برايانتپەن قوشتاستى
سپورتشى مەن ونىڭ قىزىنىڭ دەنەسى جەر قويناۋىنا 7 - اقپاندا تاپسىرىلعان بولاتىن.
باسكەتبولشىمەن قوشتاسۋعا كەلگەندەردىڭ قاراسى قالىڭ. اراسىندا سپورت، ونەر جۇلدىزدارى دا كوپ. ۇ ب ق- نىڭ التى دۇركىن چەمپيونى مايكل دجوردان ءسوز سويلەپ جاتىپ كوز جاسىنا ەرىك بەردى.
«كوبي برايانت قازا تاپقاندا، مەنىڭ ءبىر بولىگىم ءولدى. ول مەنىڭ ءىنىم بولدى. كوبي ۇزدىك باسكەتبولشى بولعىسى كەلدى، ال مەن ول ءۇشىن ۇلگىلى اعا بولۋعا تىرىستىم. بۇرىن كوبي ءتۇن جارىمدا حابارلاسىپ، ورىنسىز سۇراقتارمەن مازالاعاندا اشۋىم كەلەتىن. سونىڭ وزىندە دە مۇنىڭ ءبارىن ول جاقسى ادام جانە ۇزدىك باسكەتبولشى اتانۋ ءۇشىن جاساپ جاتقانىن بىلەتىنمىن. ەكەۋمىز بيزنەس، وتباسى، جالپى كەز كەلگەن تاقىرىپتا اڭگىمەلەسە بەرەتىنبىز»، - دەدى دجوردان.
— inform.kz inform.kz
ۇ ب ق- نىڭ ءتورت دۇركىن چەمپيونى شاكيل ونيل كوبي ەكەۋىنىڭ اراسىندا تۇسىنبەستىكتەر بولعانىن، سوعان قاراماستان ەكەۋى ءبىر- بىرىنە ەرەكشە قۇرمەتپەن قاراعانىن اتاپ ءوتتى:
«بىردە كوبيگە: « Team (كوماندا) دەگەن سوزدە I (مەن) دەگەن ءارىپ جوق دەدىم». سونداعى ونىڭ بەرگەن جاۋابى مىناداي: «ءيا، ەسەسىنە me (مەن) بار».
قوشتاسۋ راسىمىنە كەلگەندەردىڭ اراسىندا بەيونسە، دجەننيففەر لوپەس، دجيممي كيممەل سەكىلدى تانىمال ادامدار بولدى. ال بەيونسە براينت ەرەكشە ءسۇيىپ تىڭداعان «XO» ءانىن ورىندادى.
ال ايەلى ۆانەسسا برايانت ءسوز العاندا كوزىنە جاس الماعان جان جوق. «كوبي مەن ءۇشىن سۇيىكتى جار، بالالارىمىز ءۇشىن قامقور اكە بولدى. ول مەن ءۇشىن بۇكىل الەم بولا ءبىلدى. ەكەۋمىز 17 جىلدى بىرگە وتكىزدىك. العاشقى سۇيىكتىسى، ماحابباتى، جۇبايى، دوسى بولدىم. ونىڭ ومىرىمدەگى ورنىن سوزبەن جەتكىزۋ مۇمكىن ەمەس. ەكەۋمىزدىڭ ارامىزداعى ماحاببات داستانى شىنىمەن دە عاجاپ وقيعالارعا تولى ەدى. مۇلدە بولەك ەكى ادام وتباسىن قۇرىپ، ءتاپ- ءتاتتى قىزدار تاربيەلەدىك. دجياننا اكەسىنىڭ قىزى ەدى. مەنى دە قاتتى جاقسى كورەتىن. سول سەزىمىن جاسىرعان ەمەس. ول مەنىڭ قۇربىما اينالدى. قازىر ونىڭ ازىلدەرى مەن بەتىمنەن سۇيگەنىن ساعىنىپ ءجۇرمىن»، - دەدى ۆانەسسا برايانت.
— inform.kz inform.kz
باسكەتبولشى كوبي برايانت تىكۇشاق اپاتىنان قازا بولدى.
www.24.kz